一件Gadget 究竟值幾錢，幾時都係由市場話事，唔係廠商一廂情願想賣貴就可以。好似落雞亞部 Booklet 3G 咁，雖然掛住手機大廠首部筆電個朵，但始終講到底都只係 Netbook 一部，發佈時宣佈定價係$6,988，真係嚇親好多人，不滿之聲仲勁過老麥成日加價！
部機到底賣唔賣得，我唔係落雞亞，自然冇數字答到大家，但斷估賣得的話，就唔會跳樓式跌價啦！今日跌到咩價？$5,988 咋！部機在 2 月 10 日開售，一個月就跌了$1,000，唔用跳樓形容都唔得。更神奇係，電器舖馮宅雖然都係標定價$5,988 賣機，但聽講有人落到部分店問價，店員竟可開出 $4,988 的暗盤價，再比新定價平 $1,000，價位真係低處未算低。由於冇乜人實際俾到錢買機，所以係咪真係只需放低 $4,988 就可以拎走部機，就仲未有人證實到，但係先達都有一間手機舖曾經賣過呢部 Booklet 3G，但係部機擺係舖頭擺左足足一個月，先至在幾日前俾人買走，成交價盛為 $4,980，所以馮宅賣 $4,988 都好可能係真！之不過，會用 $4,988 買呢部 Netbook 的人，都唔知會有幾多個~
我在旺角馮宅見到 Booklet 3G 的標價係公價 $5,988，但據說暗盤價只係 $4,988。
先達呢間手機舖部 Booklet 3G，由 $6,980 賣到 $4,980 先至賣得出，呢個跳樓價真係咪講笑。
