夏日炎炎最好就是嘆番杯冰凍飲品消暑，奈何不少便利店的凍飲凍極有限，未能做到真正消暑解渴，但有了ChillCan以後想飲凍飲就話咁易。
只要按一按飲品底部，等三分鐘，ChillCan便能夠自動將溫度下降至約-1度，冰凍飲品即時實現，比起加冰再放落雪箱還要快。ChillCan之所以能夠自動急凍，全靠內裡的高壓二氧化碳氣體，只要釋放氣體就能夠將附近的熱量吸收，達到即時製冷效果。有了ChillCan設計後，以後行山打波，郊外遠足也可以省回使用冰箱的煩惱。
廿年前已經有人發明類似技術，不過就採用了有害的HFC-134a冷卻液，比起二氧化碳所產生的溫室氣體要高1,400倍。今次直接改用高壓二氧化碳去處理，便可以做到安全兼方便攜帶。ChillCan預計會於今個夏季於美國部分地區發售，2014年會推廣至全世界。目前10安士飲品售價為4美元，暫時就只有橙味飲品一種可以選擇，而未來更會將此設計帶到啤酒上，方便大家。
來源：popsci
