大家好！我叫 Peaboy，剛剛 1 歲，我總覺得自己特別細粒，什麼都不懂的，但…… 好啦！俾番我打稿啦！小妹的狗仔 1 歲啦！回想他剛到小妹家時，只有 2 個月大，體弱多病，不算好可愛，眼神楚楚可憐，就這樣…… 他就進駐了小妹的生活。
由他到小妹家中的第 1 日就生病了，氣管發出奇怪的聲音，小妹當時好驚，怕是否家中有東西令他不適，之後的 1 個多月都睇了多次醫生，健康才好起來，感覺好像照顧小朋友，要多一點了解他的特性、弱點，遇到問題在網上其實都搵到好多小貼士幫到你。
小妹的媽媽不喜歡狗仔的，但漸漸都被 Peaboy 的可愛溶化了！他不懂太多 tricks，最叻都只是 sit sit、hand hand，不過真的好乖巧 (暫時)，好像人仔，小妹不開心時就靜靜的伏在小妹旁邊，而且從不大吵大鬧，最愛傻笑。
以下是他傻更更唔願訓的模樣：
Peaboy 1 歲生日是小妹十分期待的日子，找了好耐先找到間適合的狗 cafe，幫他慶祝，讓他識一些狗朋友仔，除了狗 cafe 難找，狗生日帽都好難找架！在網上其實有好多，不過小妹太遲先決定要買，所以無辦法啦！要 DIY，自己剪細一般生日帽，但尺寸不是太 fit。
又係我 Peaboy 呀！生日蛋糕好好味呀！最鍾意食 cream……
小妹跟 Peaboy 相處只有數個月，對他的感情有增無減，並希望可照顧他一生，大家如果都想養狗的話，都要好好照顧他們一生呀！他們有時可能唔聽話，唔健康的狗仔又要成日睇醫生，又要帶他去剪毛、洗澡等，真係煩架！不過煩得好開心。有些責任你可選擇不去接觸，但如果接手了，就要努力去負責，所以必須考慮清楚，還記得以前小妹在中學學到的一句話：選擇你所愛，愛你所選擇的。
圖片來源: Peaboy 的 Facebook
