最近天氣忽睛忽雨，除了時刻帶備雨傘，小編 還會穿著皮靴，貪佢唔易入水又大方得睇，但大家想到皮靴同手機會扯上關係嗎？最近專賣皮靴的 Cat 轉行推出手機，賣點不是皮革機背！反而是「三防」設計！
實試跌落地無事
「三防」唔洗多講都知防水、防塵及防撞，但通常只會在「潛水相機」出現，那在手機又有何用呢？此時，小編 想起一個「經常說跌壞手機」的裝潢朋友，他的手機經常會跌在石屎地上，一般膠殼又怎能抵受。不過，如果用了 B15 就可能不用再怕，因為它可抵受 1.8m（約 6 尺） 墜地撞擊，機身又防塵防刮，小編 為此落街進行「撞擊測試」，發現約 1m 跌到石屎地上，手機都沒任何異樣，外層膠邊花了少許。除此之外，B15 還支援 IP67 防水標準，弄髒只要拿去廁所沖洗即可，單純粗用計都算合格。
▲ 小編 特別為 B15 進行「撞擊測試」。
▲ 倒瀉奶茶，拿手機入廁所沖下水抹乾就用得！
較厚身夠「硬」照顧單手操作
通常「三防」裝置都很笨重，但小編 覺得 Cat B15 唔算太差，原因是設計並非「成舊膠」，機側兩邊還有金屬邊，拿起手感尚可，不覺重，只要機身有點厚，但單手肯定可握實及順利操作。
勉強夠玩「轉珠 Game」
「三防」產品向來不著重性能，只可惜 Cat B15 也不例外，因為小編 試玩 B15 一陣就已經感受到，除了基本操作順暢，玩 Game、睇網頁都有點吃力，而原因是機內只備 MediaTek 雙核處理器及 512MB RAM，配置比「紅米」還弱，加上屏幕只有 800 x 480，所以除了「轉珠」等益智遊戲，想玩 Real Racing 3 都比較勉強。幸好它設雙卡雙待，要往返內地都算方便。
▲ 只配備雙核處理器及 512MB RAM，於 Antutu 僅錄得 8482 分，成績比「紅米」還低。
▲ 由於整體性能較低，「轉珠」、「推銀」或 Angry Bird 等遊戲都應付得來，但要玩 Real Racing 3 就不要想太多了。
蛇評：「三防」實用、規格比較入門
作為少有的「三防」手機，Cat B15 設計都算過得去，但規格太弱是致命傷，如果要在性能及外觀抉擇，小編 相信大家寧願用「樣衰」保護殼，都不考慮用一台慢機，更何況售價要 $3,288 呢？不過小編 相信從事地盤或裝修的讀者會很愛它。
[divider]
Cat B15 重點規格一覽：
作業系統：Android 4.1
處理器：MediaTek MT6577（常核）
熒幕：800 x 480 pixels、5.0 吋
主鏡頭：500 萬像素
前置相機：30 萬像素
儲存空間：4GB + microSDHC
電池：2,000mAh
售價：$3,288
查詢：BrightStar（2980 8088）
