之前，我們曾經為大家分析過 40 吋電視是否真的夠用，但又有讀者問：」我已經有電視了，多個「智能」有甚麼用呢? 其實智能電視可增進感情！究竟點解？就讓我們為大家解構一下吧。
一：打機男女都啱
好多人會覺得，用部電視來打機，只是男士的專利，女士最多只是在手機玩玩 mini game，在大電視打機，又點會啱女士？其實就大錯特錯了，無錯，40 吋的智能電視，只要有 HDMI 端子，其實可以俾男士接駁唔同的電視遊戲機盡情享受打機樂趣；但現時唔少智能電視都有自家的 App Store，內裡都有唔少小遊戲，有些甚至支援體感操控（例如：Fruit Ninja），只要用遙控器，就可以好似 Wii 咁玩遊戲。女士唔得閒時，男士可以打刺激的足球或者射擊 game；兩公婆都得閒時，又可以一齊玩玩 mini games，絕對可以增加兩人相處的情趣哩！
二：大電視齊上網
在街上，沒辦法，只能透過手機或者平板上網；但返到屋企，如果兩口子又是各自對住手機、平板、或者電腦，繼續做低頭族，久而久之就會失去兩人相處的情趣。其實而家唔少智能電視都支援 Miracast 功能，只要將手機或者平板（當然都要支援 Miracast 功能啦）無線將畫面傳送到智能電視上面，咁樣有咩有趣影片或者網站，都可以一齊分享一齊開心啦。當然，有些智能電視都有內置瀏覽器，可以直接上網，自然就更方便。
三：追劇分享劇情
最近 HKTV 開台，自然好多人都會趕番屋企追睇劇集。番到屋企，自然唔建議大家各自低頭在自己的手機或者平板上面睇劇啦，只要在智能電視安裝個 APP，就可以一直在大電視上面追睇緊張劇情；就算唔睇 HKTV，有些智能電視都有自家的串流頻道，唔止劇有得追，又有最新荷里活或外語猛片隨時睇，而且畫質都有 720p 甚至 1080p 質素。加上在智能電視上睇，會針對畫面及色彩進行優化處理，點都比在手機或者電腦上面睇正得多啦。
四：旅行靚相齊分享
假期臨近，相信唔少人都會打算外遊。外遊回港後，自然有一大堆靚相影了回來，當有朋友或者親戚到訪時，自然希望一齊分享旅途中的樂趣。但如果要在細小的手機熒幕，或者電腦 LCD 芒上欣賞，感覺好似有些無癮。其實只要在 40 吋智能電視的大熒幕上欣賞，唔單止多人睇更舒服，而且在 1080p 的大熒幕上，又可以睇到更多細緻位。咁樣分享，就自然更方便啦。
3 千零蚊買到 40 吋靚 TV 咪走雞
你可會覺得電視雖然買了幾年，但又未壞「好地地」，很難再花費數千元去為一個「智能」而去升級。如果是二千有找呢? 你會心動嗎 ?樂視 TV 最近就推出 40 吋 1080p 解像度電視 S40 Air 的搶購活動，只要 $3,187 就可以入手，而且還包括兩年任睇樂視 TV 版內的劇集、電影等內容，又可以滿足曬上述四個用途，係咪好抵呢？如果大家都想入手，就快點到樂視香港商城預約，並在 12 月 3 日（星期三）中午 12 時搶購啦！
