聖誕節快要到了，相信唔少香港人都打算趁假期外遊，讓忙了一年的身子輕鬆一下吧。而今時今日去旅行，相信唔少人都會用手機取代相機影相，一來方便二來方便 share。但手機如果要影微距或者廣角，就唔係部部手機的鏡頭都做得到，Muku 就近就推出了專為手機而設的廣角 + 微距鏡頭，有了它們，外遊要影相、甚至玩團體自拍就更方便啦。
多機通用•前後鏡頭都用得
唔少手機鏡頭，通常都是俾機背的主鏡頭用，而且質素參差，又唔係部部手機通用。Muku macrowide 的鏡頭，就採用膠夾將鏡頭與手機鏡頭緊接埋一齊，咁樣鏡頭可支援的機款就多很多，唔止 iPhone、iPad，就連 HTC、Samsung、LG、Sony 等 Android 手機都用得到。而且 macrowide 唔止機背主鏡頭用得到，就連機前的自拍鏡頭都可以用。咁樣大家就可以用主鏡頭配合廣角鏡影風景或者配合微距鏡頭影裝飾或微細景物；又可以用前置鏡頭配合廣角鏡玩團體自拍，又或者用前置鏡頭為自己自拍時拍下更廣闊的風景，外遊用真係好方便哩。
▲Muku macrowide 鏡頭很多智能手機都用得到，而且前後鏡頭都用得著。
▲而穩定鏡頭在手機本身鏡頭的方法，就是靠這個膠夾了。
▲廣角、微距鏡頭是二合一的，只要扭開紅色圈的廣角鏡頭，底層就是微距鏡頭。
140 度廣角媲美相機•微距少至 1cm 都影到
至於效果方面，macrowide 的表現都算唔錯，當小編用它配合 Samsung GALAXY Note Edge 的主鏡頭，影 office 外的日落景色時，本來只影到兩棟大廈之間的海景，但裝上廣角鏡後，開揚程度增加最少一倍！不過始終手機本身鏡頭與 macrowide 之間夾多幾層玻璃，所以如果影光差較大的風景時，可能會有眩光情況；而且相片拉爆的情況下，清晰度沒有單用手機鏡頭拍攝那麼 sharp。但去旅行，美景通常轉眼即逝，如果方便是大前提，最緊要是「影到」。macrowide 的手機鏡頭，至少可以幫大家做到這一點。
▲如果在不夠光的環境下，建議為手機落腳架，加上 Muku Shuttr 自拍遙控拍攝，會較輕鬆影得清晰相片。
▲如果以 Samsung GALAXY Note Edge 本身的後置鏡頭，影出來的情況是這樣的。
▲加上 macrowide 的廣角鏡頭，景觀頓時變得極開揚。
而微距效果方面，它比手機本身鏡頭可以拍到更微距的相片，小編用 Note Edge 配合 macro 鏡頭拍照手提電腦鍵盤按鍵，如果只用手機鏡頭，一來不能影到那麼近，二來亦對不到焦；但加上 macro 鏡頭後，鏡頭與按鍵近至只有 1cm 都可以清晰影到按鍵，十分厲害！不過要影到清晰微距相片，一來小編建議大家找一個夠光的環境影相，而且要穩握手機機身，最好就為手機落腳架；二來最好同時使用同樣是 Muku 出品的 MukuShuttr 自拍遙控，那麼就很輕鬆能拍出清晰微距相片了。
▲至於微距方面，從上圖大家可以看到，鏡頭離按鍵很接近，也可以影得到相。
▲如果以 Samsung GALAXY Note Edge 本身的鏡頭影微距，會出現對焦不到的情況。
▲但相同拍攝距離，加上 macrowide 的微距鏡頭，就可以影到極微距的清晰相片了。
售價：$399
查詢：Towervision（2553 1151）
