Huawei 之前推出 Honor 6 售價便宜，但規格已經拍得住旗艦機，點知 2015 年前夕佢地再發表更強的 Honor 6X，而且據說備雙鏡頭設計，想知表現如何就由小編 遠赴北京為 Unwire.hk 讀者現場報導。（以下有更多資料。）
學 One M8 玩雙鏡頭？
起初以為 Honor 6X 只係規格升級，但估唔到佢竟然有「雙鏡頭」咁驚喜。雖然概念跟 One M8 有點相似，但其實佢兩個鏡頭官方聲稱都具拍攝能力，一樣擁有 800 萬像素，好處是特設「大光圈」模式，可拍攝 F0.95 超淺景深效果相片，效果媲美 DSLR 配入門鏡頭，而且它整合「先拍攝、後對焦」功能，除了重新選取對焦點，更好玩的是它更可選光圈大細，即係焦點係邊要幾清晰都可任意調較。除此之外，它還有「超級夜景」、美顏及 HDR 模式，功能都算豐富，但介面欠缺圖案提示。相片方面，相機對焦反應很快，相片雜訊雖然頗低，但放大後感覺有點「油畫」。另外，小編 發現其實正常拍攝只係用一個鏡頭，即使阻擋非主力那個仍可正常運作，相反在「大光圈」模式若遮擋住就冇法拍攝，但兩者畫面上都不會出現手指/黑影。（可參考短片）
▲ Honor 6 Plus 賣點是機背擁有雙鏡頭設計。
▲ 主鏡頭原身為 800 萬像素，但可用軟件方式調整至 1,300 萬像素。
▲ 大光圈模式可拍攝模擬 F0.95 光圈的超淺景深相片。
▲ 「超級夜景」是透過拍攝數張影片串合而成，好處是夠光、雜訊較低，但拍攝時需要固定。
▲ 自拍鏡頭有 800 萬像素，效果不比主鏡頭差，而且還有美顏模式。
▲ 除了大光圈模式，它還有全景、HDR 及超級夜景等拍攝模式。
性能拍得住 Snapdragon 801
講真 Honor 6 規格已經好強，現在 Honor 6 Plus 其實最主要升級了 Kirin 925 處理器，它比 Honor 6 用的更高級，於 Antutu 可錄得約 43,000 分，成績同 Qualcomm Snadragon 801 差不多，加上佢配備 3GB RAM 及 32GB 儲存空間，又可擴充 MicroSD，配置實在不用擔心。至於屏幕，這次 Honor 6 Plus 用了較大的 5.5 吋屏幕，解像度維持 1080p，佢聲稱有 1500:1 對比度，顏色睇落很鮮艷。此外，Honor 6 Plus 會有標準版及「雙 4G」兩個版本，前者有三間網絡商制式，後者支持移動聯通雙 4G 網絡，多了 NFC 及 32GB 儲存空間。
▲ 搭載 Kirin 925 八核處理器及 3GB RAM，於 Antutu 可錄得約 43,000 分。
▲ 5.5 吋 1080p 屏幕，顏色很鮮艷亮麗。
▲ 介面升級至 Emotion UI 3.0，外觀感覺上差不多，但多了一些熄屏手勢，如熄屏錄音及啟動等等。
▲ Honor 6 Plus 兩個版本都是雙卡設計，但分別在於支援制式上。
單手僅僅操作 手感似 Honor 6
Honor 6 Plus 其實設計跟之前的 Honor 6 很似，兩者分別是機身屏幕大了，邊框都係採用三條金屬設計，機背擁有網紋的玻璃纖維板，拿起感覺有點「膠感」，金屬邊金屬感亦不太強烈，情況同 Honor 6 差唔多。不過，機身大了又欠弧面機背，小編 單手都是僅僅操作得到，重量比 Honor 6 重少少，但感覺完全不似內建 3,600mAh 電池。
▲ 雖然屏幕只有 5.5 吋，但單手操作並非很輕鬆，全因機背設計欠弧度。
▲ 機身繼續採用 3 邊金屬邊設計，但金屬感唔太強烈。
小編 ：雙鏡頭新嘗試 其他驚喜不大
Honor 6 Plus 簡單來說只是 Honor 6 的「大芒」加強版，設計沒大改變，性能微微提升，當然雙鏡頭設計值得嘉許，但實際除了超大光圈效果就未見「雙鏡頭」有甚麼特別功用。售價方面，雙 4G 版售價為 2,499 元人民幣；標準版為 1,999 元人民幣，基於有 NFC 及支援 TD/FDD 制式，香港用家一般都會選擇雙 4G 版，但兌換返約 HK$3,128.9，小編 認為價錢唔算極之吸引，不過最重要是截稿前都冇消息指香港會否發售，所以大家暫時還是考慮 Honor 6 或 Mate 7 先。
