日系手機始終有一班鍾情者，而摺機更是在 feature phone 年代大受歡迎，不過自從智能手機成為主流以後，摺機就因為操控不便而開始式微。但今日 SHARP 就在 au KDDI 春季發佈會中發佈全新 Android 摺機 AQUOS K，唔止「紅黑紅紅黑」好搶眼，而且設計都幾靚。唔知有冇香港 unwire 用家在舖頭引入時會有興趣入手玩玩？
呢部 AQUOS K，除了紅 + 黑款式外，仲有黑+金及白 + 金兩種設計，而且機身只有 128g 重量，厚度亦僅 16.9mm，而且支援日機十分普遍的防水防塵功能，在摺機來講算係不過不失。
規格方面就比較普通，採用了 1.2GHz 四核心處理器、3.4 吋 540 x 960 qHD 解像度熒幕（沒觸控功能）、1GB RAM、8GB 儲存空間（支援最大 32GB microSDHC 記憶卡）、1,310 萬像素鏡頭、藍牙 4.0、Wi-Fi 802.11 b/g/n 及 1,410mAh 容量電池。手機採用 Android 4.4 作業系統，而且支援 4G LTE 及 VoLTE 功能。預計此機會在二月下旬推出，唔知香港舖頭幾時先可以軟解到，將佢引入香港呢？
來源：au KDDI
