除了 LG G4 外，最近傳聞最多的，肯定首數 Samsung 將會係今年推出的新旗艦 GALAXY S6 最多。除了早前流出原型機外，就連 S6 的尺寸亦流出了，唔知係咪真呢？
從消息流出中的 S6 保護殼「內籠」尺寸得知，傳聞 S6 的尺寸是 143.5 x 70.7 x 7.2mm，與 S5 的 142 x 72.5 x 8.1mm 相比，雖然明顯機身長了，但就窄了，就連厚度亦薄了整整 1mm，如果屬實的話，單手操控上應該會更好。
此外，從保護殼的設計可見，它有一個十分大的鏡頭開孔，換言之 S6 的鏡頭連同感應器的範圍應該頗大，而且在設計上應該與上代 S5 有分別。此外，根據 Samsung 手機的設計，機身左側應該是音量鍵，而右方就是開關鍵。至於底部就是咪高峰、USB 位同埋喇叭，而頂部就是 3.5mm 耳機插孔及噪音消除咪高峰。
究竟 S6 的最終設計係咪真係咁？我諗真係要 Samsung 正式發佈先至知道啦，但係如果鏡頭組件大咗，令影相質素進一步改善，又令單手操控有更好手感，唔知大家又 like 唔 like？
來源：nowhereelse
