近年智能裝置，Android 手機已成一般人購買手機時必定會考慮的 OS 之一，加上多間廠商每年均會推出幾部手機俾用家選擇，自己可推高市場佔有率。挾著 Android 手機大熱之勢，近年就連唔少電視廠商都考慮採用 Android OS，令手機與電視連動更為方便，所以 Android TV 已成未來用家換電視時值得考慮的機款之一。
更容易建構個人化電視
近年互聯網甚至智能平台普及，加上手機 APPS 可以自選時段睇番重播，用家節目自主性大了很多。再加上現時的 Android 手機，唔少用家都已習慣透過安裝 APPS 令手機功能個人化，當 TV 改用 Android 平台，亦自然令用家可按個人喜好，安裝合適的 APPS APK，加強電視功能，要令電視更個人化就更容易啦，唔洗好似以前咁「等運到」。
當然，Android TV 除了可以自裝 APPS 將電視功能個人化及豐富內容外，都同一般智能電視一樣，支援 Miracast 功能，要將從 Google Play 購買或者借番來的猛片、甚至嫌手機熒幕打機太細，都可以無線傳輸畫面去電視欣賞或者打機。咁樣一大班朋友或者屋企人要一齊睇戲，或者連線打機，都會比係手機或者平板度玩或者睇開心得多啦。
精選 5 大電視 APPS 盡用 Android TV 優勢
除咗可以將手機 APPS 畫面傳輸去電視度用之外，其實而家唔少智能電視，都內置了自家 APP 商店，入面都有唔少專為電視介面設計的 APPS 甚至 games 俾大家免費下載來用或者玩！就算無，正如前文所言，大家都可以係網上下載可以係 Android TV 用的 APK 然後自行安裝。而家就等小編同大家介紹 6 隻必裝的 APPS，等大家都可以盡享 Android TV 的智能優勢啦。
文檔編輯 Documents To Go
如果有用過 Android 手機，應該都會識 Documents To Go 呢款文書編輯軟件。其實唔少智能電視的 APP 商店都可以下載到呢款軟件，係幾十吋大電視上面瀏覽甚至編輯 Word、Excel、或者 Powerpoint 檔案，肯定比係細小的手提電腦或手機熒幕上面爽得多吧。
HKTV 香港電視
如果講到睇電視，又點少得舊年開台的 HKTV 香港電視？其實大家如果想係 Android TV 上面欣賞 HKTV 的節目，只要係電視入面安裝佢地既 APP apk，就可以架啦！部份電視仲支援埋點播功能，就算 miss 咗直播時段，都可以隨時之後睇番啦。
TuneIn Radio
鍾意係手機聽收音機的朋友，相信對於 TuneIn Radio 呢隻 APP 唔會感到陌生。其實大家係大電視上面一樣可以用得到，TuneIn Radio 除咗可以聽到大部分香港的電台節目之外，就連外國的電台直播都可以聽得到。有時開住電視，用 TuneIn Radio 播下外國的音樂電台，然後邊做家務，都係一個幾唔錯的生活態度。
YouTube
講到互聯網影片，又點少得 YouTube 份？其實唔少 Android TV 都可以透過 Play Store 下載到 YouTube 欣賞，就算你部 Android TV 無 Google Play Store，只要上網搵番個 apk 來裝，一樣可以睇盡 YouTube 平台上面所有過癮影片。後者唯一分別就係唔可以 login，其餘使用體驗基本上係相同的。
Red Bull TV
如果大家鍾意睇極限運動的話，應該都知道 Red Bull 呢款飲品都贊助咗唔少呢類比賽，佢地仲有專屬 APP 播放番呢啲比賽，甚至舉行直播活動！只要係 Android TV 上面安裝咗 Red Bull TV APP，咁樣幾時想睇極限運動比賽都無問題啦。
又係一隻係手機同埋平板度大家耳熟能詳的 APP，Flipboard 呢款新聞 APP，最好嘅地方唔止包羅咗全世界嘅主要新聞網站，仲可以與 Facebook、Twitter 連動，係大電視上面睇新聞、甚至出 Facebook post 或者出 tweet，點都爽過係手機平板上面掛！不過要留意，如果大家要係 Android TV 上面睇到 unwire.hk 的新聞，記住要將地區改番做香港呀！如果唔係就搵唔到架啦。
其實支援係 Android TV 上面玩的 APPS 仲有好多，有機會先再同大家多多介紹啦。
Android TV + 自家內容 = 王道
當然，Android TV 除了以上的好處外，某些廠商還會有自家影視平台，就好像樂視般，就擁有自家 UI，只要購買了電視，就包 24 個月「樂迷 99 狂睇組合」，可以兩年內任睇樂視香港 UI 版內超過一萬小時的內容，當中包括：電影、電視劇、音樂會等，包羅萬有。所以 Android TV 加上自家內容，相信是未來電視廠商的「王道」趨勢。
如果大家想購買 Android TV，其實樂視最近就正在舉行 S40 Air 搶購活動，有 500 部俾大家先搶先有！想了解更多詳情，可以點按此瀏覽及登記。
