HKTV 最近播出的《導火新聞線》，確實令與戲中角色同行的小編睇得十分入神。不過如果要係大電視睇 HKTV，就只有透過 Android TV Box 或者索性買部智能電視先睇到。而由後日（3 月 18 日）開始，就連已擁有 PS4 的用家都有福了！因為只要在 PlayStation Store 下載並安裝 HKTV APP，就可以駁住電視睇 HKTV 直播同埋點播，正呀！
安裝簡易兩步教學
▲首先進入 PlayStation Store，理論上 HKTV APP 應該會出現在十分當眼的位置。移動遊標到該位置並點按進入。
▲之後按指示安裝就可以了，完成後點按 Start 就可以開始睇到 HKTV 直播同埋點播架啦！
