真人版火影忍者的舞台劇很快就在澳門公演，但長駐漫畫榜首位的《One Piece海賊王》卻好像沒有新搞作，但 fans 們唔洗咁快失望住！因為海賊團已經空降尖沙咀，化身成 30 幅 3D 畫作，邀請你成為草帽海賊團的一員，一起尋找大秘寶！今日依莉詩就帶大家冒險一番！
經典情節重現
3D藝術展的一大特色就是能夠讓參觀者擺出誇張的 post ，結合視覺與錯覺技術，與畫中事物互動起來。而今次海賊王 3D展正正就提供大好機會，讓你和草帽海賊團中的主角有前所未有的接觸。當中 30多幅的海賊王 3D畫中不乏經典場面，除了衝入漁人島的一刻，更有薇薇公主加入大隊、艾斯犧牲自己去救路飛，甚至火燒梅利號。係咪聽到好想快啲走入海賊王的世界呢？
▲ 海賊王 3D展是香港 3D 奇幻世界的一部份，館內半數以上的區域都已經被海賊團占領。
▲ 雖然很興奮，但要100%同場景融為一體，拍攝前記得留意場境旁的指示圖，仲要乖乖企喺「最佳拍攝位置」，就啱角度先影啊！
▲要成為海賊團的一份子，當然要記得薇薇公主成為同伴的記號。但要影得同其他成員一致，記得手要直，腰要挺！
▲ 經典場景點止咁少！海賊團在城牆拯救魯賓的一幕，小編當然要加入埋一份。要做到人景合一，企位同眼神都要做到與其他隊有一致，（小編就是錯誤示範）人的重心要向後啊！
▲ 又是一張錯誤示範，今次小編的企位和眼神都很一致，但畫面和相框分開了！所以影之前要記得留意清楚有沒有穿崩啊！
▲ 要學識布魯克的「45度」絕技當然唔容易，但相機的設定都很重要呢！小編就發覺這裡的境景多數是 4:3 的，如果設定成 16:9 拍攝的話，左右會拍到很多穿崩呢！
▲ 啊！有時人本身都很重要啊！太高啦，太高啦！這個框對小編來說太高啦！
▲ 還有小編和朋友都太瘦啦！看，泡泡內可以企多一個人呢！(朋友：唔好痴咁埋我到！）
▲好啦！睇完錯誤示範，看看其他人如何擺 post 啦！無錯！想突出未必要同畫中人的動作一致，有時誇張的動作同表情都很重要。
▲ 想特別的話，玩下cosplay 都是一個好提議。
走入漁人島迷宮
自問影 3D畫的技術有限，又未必無野玩嘅！場館入面仲有個只有一條路的迷宮，走進去就好似置身漁人島一樣，波浪型的鏡和暗的燈光，令人有種迷幻的感覺。迷宮的出口更有 1:1 的蛇姬人偶等你。
▲ 雖然只得一條路，但亦要小心撞到牆啊！
▲ 身材玲瓏浮突的蛇姬同漫畫一樣咁吸睛，連公公婆婆都忍不住拍照留念。
齊訂索柏毛公仔帽
睇完展覽，又點可以兩手空空離開？場内設有 Pop-up store 售賣 One Piece 模型。不過，暫時貨品大部分都可以在市面買到。如果想特別點，大部分日本和香港特別版精品如索柏毛公仔帽等，將於 6月陸續到港，只要填妥訂購表格並交給有關職員，日後就會收到的訂購詳情同可以優先訂購。
▲ 現時 Pop-up store 售買 One Piece 的模型為主，但大部分都可以在市面買到。
▲ 而最得意的限量精品就是索柏毛公仔帽 粉紅 $130、藍色 $140。
▲ 另外，亦有 One Piece 圖案的木質杯墊，每款 $88。
▲ 紅黑色的頭巾十分隨性，售價為 $188。
預購門票送福袋！
早玩早享受！只要在 5月 25日前購買門票，換票時，就可以得到海賊王精美禮品福袋一個。
▲福袋内有扇子一把、$20 pop-up store 現金券、3D 紙模型（暫未有貨，會有換領券）及記事簿一本。
依莉詩：「點解嘅？點解嘅？ 點解 D 相穿晒崩嘅？」
今次是小編第一次去 3D展，平時看到其他朋友在社交網絡的相咁逼真都一直想去。今次難得有 One Piece ，而且入場費並沒有因而加價，仲可以影埋其他主題 3D畫，當然要玩下。不過原來要影到一張呃到 like 的相片真的不容易，可能小編所用的鏡頭太過廣角，而且設定了 16:9 的相片比例，結果大部份相都穿崩了呢！吸收今次經驗後，小編下次要擺更多搞鬼動作，影更多靚相先得！
香港海賊王3D展覽
日期：即日起至7月尾（10:00am – 10:00pm）
地點：尖沙咀加連威老道96號希爾頓大廈1樓 香港 3D 奇幻世界
門票：$149/成人、$100/小童及長者
