前兩日小編 遠赴上海參觀「CES Asia 2015」展覽，現場展品智能汽車及音響為主，但意外地都有意外收鑊，全因 LRT 於現場展示了 Pebble 最新 Time 及 Time Steel 兩款新智能手錶，而焦點係全新 color e-ink 屏幕，畫面不再黑白！想知佢實際睇落感覺係點就要留意喇！以下有更多資料：
畫面似「紅白機」! 唔開背光會覺暗
這次 Pebble Time / Time Steel 焦點係用了 color e-paper 彩色屏幕，簡單說即係「彩色 e-Ink」，佢只能顯示基礎顏色，畫面同 OLED 相比就好似停留係「紅白機」時代。不過，畫面睇落唔覺「起粒」，亦唔會有殘影，感覺比起「黑白」點都好睇點。不過，小編 就覺得 color e-paper 畫面稍有輕微偏暗，尤其冇集中光源環境下（例如室內），相反射燈直射就非常清楚，雖說佢都有背光設計，但好似唔會長著，因此感覺有少少怪。
▲ Color e-paper 初試感覺唔錯，未見起粒有殘影等問題，但稍有少少唔夠光。
膠與鋼之別
好多人只會知 Pebble Time 只屬單一型號，其實佢仲有金屬版本 Time Steel。雖然一款膠一款金屬製，但兩款錶佩帶上手都係非常輕，Time 帶上手幾乎冇重量，外表跟 Apple Watch Sport 有點似；而 Time Steel 會有少少重量(金屬冇重量仲得人驚)，但感覺比 Apple Watch 輕得多。兩款錶電池分別可用 7 日及 10 日，但小編 覺得兩款錶最大分別係屏幕表面，Time Steel 感覺好通透，但 Time 就好似玻璃同屏幕相格好遠，情況甚至比 Pebble 原版明顯。
▲ Pebble Time 外表跟 Apple Watch Sport 有點似，但屏幕就明顯有種隔離感。
▲ Pebble Time 外表跟 Apple Watch Sport 有點似，但屏幕就明顯有種隔離感。
▲ 新充電設計改為錶背接點，而且 Time 與 Time Steel 是通用的。
▲ 新錶帶多了扣具設計，換錶帶可以更方便，而且兼容現有 Pebble 及 Pebble Steel。
規格強化 新增 Timeline 介面
Pebble Time / Time Steel 硬件規格都會有所提升，操作反應更爽快 (比 Pebble / Steel 都快)，而且儲存空間增加，現在可儲更多錶面 (Wallpaper) 方便隨時切換。不過，新介面最特別係新增 Timeline 功能，用戶可收看過去或之後的日程，令 Pebble 除了睇時間及訊息，還可收看之後有咩約會、工作等等，藉此減少翻閱手機次數。
▲ 新增 Timeline 介面，可以收看你手機內的日歷或日程，但現場展示的未支援顯示中文。
小編 ：「鋼版值得期待！後悔 Kickstarter 冇課金」
試玩完兩款 Pebble，小編 覺得 Time Steel 感覺非常好，第一夠輕！配埋鋼帶仍唔會很重，但又唔會 第二夠耐用！10 日續航力打折都仍有 1 星期，這點已經完勝 Android Wear 或 Apple Watch，單係呢 2 點已經值得期待。最後 Pebble Time / Time Steel 預計 7 月在香港發佈，屆時推出會支援中文顯示，而原有的 Pebble 及 Pebble Steel 亦會繼續發售，估計價錢會比現在的 Pebble 更貴。
