$8K 一部電話貴唔貴 ? 我梗係話你傻! 但鍾意 ironman 的 fans 可能覺得好平，難怪 ebay 已經炒到三萬美金 ，iPhone 都無咁 Crazy！真機又係點? 而家同大家分享一下
紅襯金實機勁靚
機身用左 ironman 紅，雖然未去到法拉利咁鮮紅但都好搶眼，周邊用金色包住，比 iPhone 6 的金色還要金，不過你唔會覺得好「娘」，因為金色部份佔位少，而且襯在紅色下其實非常靚。
開版相大家睇過機身正相，有 unwire 讀者話機背個 ironman logo 部份扣晒分，我覺得風格唔 match 又未至於核突，不過小編 係現場執左個 for S6 的 ironman 背蓋夾硬套上去..咦?! 又真係完美好多喎!
Theme 靚可惜無特定 Ringtone
其實成部機由外到內都好 ironman ，入面唔止 wallpaper，成個 theme / icon ／打電話位全部都改用 ironman 設計，只可惜 ringtone / 提示聲無 ironman 版本，依舊用原廠設定。
美國隊長無線充電好正
再睇睇配件，其實呢個圓型的 CA 盾造型的無線充電器好鬼正，一放去就充電。不過奇怪係小編 度下個輸入只係用左 0.7 A，唔通美國隊長同 ironman 真係唔啱牙 ? 唔怪得最後打到你死我活啦 !
