端午節就到，但又關迷你兵咩事呢？原來呢班迷你兵殺到嚟香港不突止，仲去左沙田城門河撐龍船呀！如果想見到佢地，Minions 會係 6 – 7 月在你估佢唔到嘅地方快閃出巡，大家記住密切期待啦！
▲ 阿Bob、Kevin 同 Stuart 係海陸兩路隨時出現，同你 Say Hello！
▲ 阿Bob 咁肥，坐上隻龍舟度會唔會沉架？
▲ 原來佢地之前仲去過旺角球場踢波呀！
Bob、Kevin 同 Stuart 為左同自己套大作《Minion》造勢，不惜騎刧時空船來到香港的MOKO 新世紀廣場展開冒險之旅，尋覓Scarlet Overkill 嘅芳蹤！而新城市廣場亦將被迷你兵佔據，商場每個角落都將會成為迷你兵的異動基地。
「迷你父子兵」快閃出巡
雖然仲未知迷你兵確實會係邊出現，不過阿 Bob 就偷偷同小編講，佢 6月21日會係 MOKO新世紀廣場快閃出巡，而且仲會係 6月25日舉行電影首映禮。
▲ 此外，7 月 3 號之後商場仲會有 3D 迷你兵團 Minions 9大場景同 Minions Rock n Roll 攝影區俾大家影相。另外，仲有 Scarlet Theatre 舞台匯演、 迷你兵團 Meet-and-greet 同 Pop-up Store添！
▲只要係 MOKO 新世紀廣場購物，仲有機會換領《迷你兵團》3D 電影換票証、食得「蕉」積、睇得「蕉」積：Ba-na-na 味爆谷套裝及《迷你兵團》3D 眼鏡、66 隻迷你兵團兩場集郵贏大賞。至於要點先換到，就記得留意 Unwire 啦！
《點指兵兵 萬里尋兵》
而 7 月 8 日係新城市廣場亦有《點指兵兵 萬里尋兵》開幕禮，當中更有 3D 機動版迷你兵團 Minions、高科技迷你兵團 Minions 幻影浮空投影（hologram）裝置、 超巨 Mega 迷你兵團 TicTac 扭糖機、迷你兵團 Meet-and-greet 同 Pop-up Store 添！
▲此外，只要係新城市廣場購物，仲有機會換領《迷你兵團》3D 電影換票証、迷你兵團 Kinder 出奇蛋、66隻迷你兵團兩場集郵贏大賞，想知詳情，小編會繼續同大家跟進架啦！要睇實我地呀！
資料來源：MOKO 新世紀廣場、新城市廣場
