正所謂「開業容易守業難」，而家整個社會大環境都吹捧年輕人自己創業，好多人就一頭中埋去，但喺九死一生的創業路上行走一定不會是一件容易的事，更不要說要到達成功的彼岸。點樣做先可以「突破盲腸」，好好令自己間 Startup 公司茁壯成長，甚至長生不老呢？睇睇以下幾招啦！
1. 低成本 Marketing
小編發覺唔少貼士都大力鼓吹大家用網上媒體，靠群眾的力量做 Marketing，無可否認這個方法的確是最划算，亦可以非常有效。但千祈唔好忘記，網上媒體亦是把雙刃劍，而「好事不出門、壞事傳千里」係一個經常都啱的講法。網絡上，人群容易聚集，亦容易散失，萬一有什麼，要自己做埋 Crisis Management，所以都係小心至上呀！
2. 走在潮流的尖端
如果你的產品係會跟住潮流變的，例如：電話殼，咁你就要諗下點樣可以反應夠快，出 iPhone 2046 的時候就有新款，出 Apple Watch 的時候有錶帶。經常要比消費者走快一步，咁先會有新鮮感架！
3. 「顧客永遠是對的」
唔係話要「罵不還口，打不還手」（不過最好係啦，因為咁樣先可以令道理企係你個邊，好似係），但維持好的服務質素，建立良好的口碑係一間 Startup 的最基本條件。你都唔想因為人地一句唔好的說話誤了公司的發展吧！
4. 善用科技
而家有好多 software、plug-in、extension、tools…… 幫到你處理好多繁瑣的 admin 工作或其他同業務冇直接關係的工作，而有好一部分仲係免費添，慳到時間，又慳到錢。另外，Google、Facebook 或其他網站更已內置數據分析系統，幫你更容易了解你盤生意。所以有新的科技玩意的時候，先多多了解他，再想辦法將他變成另一件「搵食工具」，就唔會蝕底啦！
5. 投資涉及風險
承上題，如果加一樣新元素入黎，一定會有一啲不穩定的情況，你要預左開始的時候會有磨合期，好彩過到的話，就係另一片新天地了。
6. 跌低要爬返起身
創業路係九死一生的過程，途中碰到的釘、撞到的板，比起求學或打工時期的都要多。但既然你選擇了走這條路，就記住要從中得到最多！學到的都是你的，不要害怕受傷喔！
7. 用人唯才
找適當的人做他適合做的事，發揮他的長處，對公司或員工的個人發展都是一件好事。而能夠有一個 Partner 或員工能伴隨著公司的成長，也是公司的最好資產，安排工作的時候不要忘了這點！
8. 好就繼續，不好就變
保持公司的穩定性不但可以保持軍心，更可以令客戶及合作伙伴產生對公司的信任。但萬一遇上問題，就不要猶疑，要馬上想出對策，改變現狀，重整資源分配，務求令業務更暢順。「窮則變，變則通」，解決問題不就是 Startup 要做的事嗎？
來源：Startup Grind
甚麼是 unwire.space ?
unwire.hk 作為生活科技網站，一直有報道科技生活之餘，亦有採訪科技創新企業，試透過我們的綿力推動一下香港創業文化的發展，因此推出類似現時流行的 co-working space 概念工作間 – UNWIRE Space。就在我們位於觀塘區的編輯室旁方便我們採訪報導，Co-working space 結合新媒體宣傳力就是我們與眾不同的 unwire.space 了
