剛剛 Manfrotto 已經發佈左一系列新既腳架以及相機袋，不過最引人注目既當然係全新產品 Digital Director ，可以用 Lightning 線連結相機同 iPad 既電子攝影配件，絕對係 Manfrotto 既突破。想知有咩新產品同埋 Digital Director 有咩咁吸引就要留意內文。
Manfrotto 相機袋： NX ﹑ Street 以及 Advanced 系列
Manfrotto 除左推出新既 NX 以及 Street 系列相機袋之外，亦都更新左 Advanced 系列，照顧到每個攝影愛好者既需要。 NX 系列其實就是以輕巧為賣點，主要就係比一眾無反相機用家。雖然就係比較入門既系列，但佢仍然設有 Manfrotto 常見既 MPS 保護系統。今次整個 NX 系統有五個新相機包：NX背囊﹑ NX斜肩袋﹑ NX斜肩背囊﹑ NX 斜肩腰包以及NX相機內膽，價錢分別為 $800﹑ $620﹑ $620﹑ $440 和 $170 ，均有藍﹑紅和灰三色可選。
而 Street 系列顧名思義其實就係 for 一啲街拍愛好者，所以偏實用性為主，外觀具時尚感之餘亦為低調。Street 系統有四個型號，全部均一顏色：軍綠色。Street背囊﹑ Street斜肩袋﹑ Street單肩袋﹑ Street槍袋 價錢分別為 $1450﹑ $1010﹑ $440 和 $340 。
最後就係 Advanced 系列，其實 Advanced 並非新系列產品，原本已經係 Manfrotto 既暢銷產品之一；而今次推出既 Advanced 2015 其實就係重新設計，外型同功能得到提升，尺寸亦涵及無反至高階 FF 機。而另外 Befree 旅行者背囊亦加左新色：藍﹑啡和灰，亦都將主拉鍊變為可上鎖既防盜拉鍊。Advanced 系列總共有八個型號，價錢由 $310 到 $610 不等；而 Befree 旅行者背囊價錢為 $1750 ，藍同啡已經開始發售，而灰色會係 9 月先開售。
Manfrotto 190 go! 三腳架
Manfrotto 190 go! 同本身既 190 系列唔同既就係體積更細﹑重量更輕，摺合長度只有45cm 但最高高度仍有 146 cm，僅重1.7kg；雖然輕巧，不過仍設有標準3/8”螺絲接口可連接其他配件﹑有按鈕做中軸橫置以及腳管角度選擇器，令 190 go! 更適合攜帶到任何地面拍攝，加埋引入扭鎖設計，非常適合四圍工作或旅行攝影人士。Manfrotto 190 go! 價錢為 $1680 。
Manfrotto Friction arm 系列和 X Pro 球型雲台
除左相機袋同腳架呢類常見配件外，亦都推出左全新攝錄搖臂既 Friction arm 系列， 4 件全新小型 Friction arm 共有 15cm 和 24cm 兩種長度選擇。設有新AR防旋轉系統﹑兩端的連接頭均可利用附帶的六角匙進行更換，非常適合專業攝影人士使用。Friction arm 價格由 $1070 到 $1550 不等，連接頭則由 $140 到 $380 ，而 Nano clamp迷你夾則為 $340 。
欲知更多，可以查看 Manfrotto 既介紹影片：請按此
至於 X Pro 球型雲台，是特別為配合全新 190 以及 055 系列設計，設三重鎖定系統，令鎖緊技術更進一步；使用Polymer聚合物環，配合經過PTFE處理的球體，簡單易用且方便易攜，設兩個型號 MHXPRO-BHQ2 同 MHXPRO-BHQ6 ，分別為無反或一般單反和重型器材而設，價錢分別為 $1280 和 $1680 。
Manfrotto Digital Director
而最後壓軸出場既就係 Digital Director ：佢係受到 Apple MFi (Made for iPad) 認証，可以連接相機同 iPad 既攝影配件。雖然現今市場好多相機都可以利用 WiFi 同其他電子設備連接，但穩定性難免較低；而 Digital Director 就可以用 Lightning 線連接，相對穩定性好得多，相當適合攝影工作使用。
Digital Director 除了可以在iPad上即時更改拍攝設定、監視拍攝畫面外，更提供非常便捷的檢視、後製及相片管理功能。用户需要先安裝 Digital Director應用程式，然後就可以就可以在iPad上控制及即時監察相機的設定及拍攝畫面。可以調較既設定非常多，有 ISO、光圈、快門、白平衡等等；另外亦可以即時顯示直方圖、收音水平、對焦峰值(Focus Peaking)，非常實用全面。可惜既係，暫時只支援 iPad Air 同 iPad Air 2 ，而 iPad Mini 暫不支援（Manfrotto 表示其後會加入），而支援相機型號為 Canon 和 Nikon 既指定型號 DSLR (詳情可看 Manfrotto 官網)，不過同樣地其後會加入其他更多型號。由於 Digital Director 定位於工作攝影，價格並不便宜，為 $4520 。
