之前我依莉詩同籮文報咗咁多萬聖節活動唔知大家有心水未呢？未都唔緊要，今個星期就介紹幾個 BB 級萬聖節活動俾大家，作為 10月萬聖節頭炮活動吧！
“Running Pac-Man” 萬聖節主題活動 @山頂廣場
鬼唔一定喺恐怖嘅，食鬼就好可愛啦！今年山頂廣場唔搞鬼屋，反而以經典遊戲 PAC-MAN 為主題，喺真人版「AAPE x PAC-MAN」迷宮入面化身小鬼，親身走進迷宮探險，體驗經典的 PAC-MAN 遊戲。另外，小朋友亦可以玩兒童玩樂版 PAC-MAN 迷宮，或者同 PAC-MAN 人形公仔影相。 而 10月 24 同 31號更會舉行「高瘋驚嚇」 萬聖節派對，除了有「Trick or Treat」糖果派發環節外，更有萬聖節特色餐飲、彩繪工作坊以及拍照攤位。
日期：2015年9月22日 ‑ 11月1日 上午10時 ‑ 下午10時
地點：山頂廣場 The Peak Galleria 》香港山頂山頂道118號
“Monsters Unleashed” vGo Market
除咗主題公園同商場，估唔到連市集都大搞 Halloween。穿過奇幻隧道，過百檔充滿氣氛嘅創意攤檔等緊你。真人版妖怪會喺奇幻古堡牆陪你 selfie，亦可以到 Squly & Friends 可愛萬聖節主題自拍區影靚相。另外，周楚詩 Szemei 及其他本地年青唱作人會同你唱歌仔，而可愛女魔術師 Win2ie 亦會大玩魔術。
日期：2015年10月3日 ‑ 4日 下午1時 ‑ 8時
地點：D2 Place 2/F 》香港九龍荔枝角長義街9號
雅蘭中心「萬聖節屍人派對」
雖然樂富同山頂兩個商場嘅萬聖節活動比較大型，但其實仲有幾個商場都有萬聖節活動，好似雅蘭中心就有「萬聖節屍人派對」。你可以利用「搞鬼屍人寫真」互動手機應用程式，喺場內多個「驚嚇熱點」捕捉以餐廳人物為造型嘅喪屍，或者喺特製照相館內拍攝驚嚇照片，仲可以同一眾喪屍大跳快閃舞，挑戰膽量。 現場更會派發萬聖節限量版特製血手指馬卡龍及主題曲奇。
日期：2015年10月1日 ‑ 31日 下午1時 ‑ 9時
地點：雅蘭中心 地下 》香港旺角彌敦道639號
淘大商場 x 林祥焜 Halloween Punk Rock Party
而淘大商場亦舉行「淘大商場 x 林祥焜 Halloween Punk Rock Party」萬聖節主題活動，場內設置六呎高的 Skull Elphonso ，將淘大商場變身為 Punk Rock 嘩鬼樂園。另外，更有林祥焜首個個人珍藏搪膠作品展覽，展出包括全港獨一無二之 PUNK ROCK COW MUI 手辦搪膠玩具及極度罕有的白色皮褸版 MINI ELPHONSO。同時，只要利用「搞鬼屍人寫真」互動手機應用程式，更可以於場內多個「搞鬼熱點」搜捕一眾Punk Rock嘩鬼，並與主角們合照，免費換領豐富禮品。
日期：2015年10月1日 ‑ 31日 (每日) 上午10時 ‑ 下午10時
地點：淘大商場 》香港牛頭角牛頭角道77號
「加菲貓萬聖節歷險記」萬聖節主題場景
慶祝著名美國卡通電視節目《加菲貓萬聖節歷險記》誕生30週年，加菲貓亦打扮成「馬戲小丑」、「海盜船長」及「飛天伯爵」，喺皇室堡、銅鑼灣地帶及東角 Laforet 同大家共度詭異趣怪的萬聖節。另外，仲有機會親身穿上「加菲貓」及「阿的」戲服，於「Garfield & Odie拍照體驗區」盡情發揮創意，擺出趣怪姿勢，拍下獨一無二的時刻。
日期：2015年10月1日 ‑ 31日 (每日) 上午10時 ‑ 下午10時 (12小時)
地點：皇室堡 》香港銅鑼灣告士打道311號
銅鑼灣地帶 》香港銅鑼灣記利佐治街2-10號
東角Laforet 》香港銅鑼灣東角道24-26號
資料來源：Timable
