琴晚港中大戰，我諗大家同我一樣，未開場已經喺 Facebook 度 Like 爆晒嗰啲同場波有關嘅 Posts 啦！無論係開場前的「歡迎儀式」，中間中眉中柱差啲入波，定係完場 贏波 和波之後等等，梗係要上住網睇實班 Friends 有冇一齊撐港隊啦！但你又知唔知琴晚成晚，最爆嗰個 Facebook Post 係邊個呢？
唔係英雄輝撲波…
都唔係 Kim Sir 大讚好波….
而係財爺喺自己個 Facebook 抽水 講，表達自己出訪羅馬尼亞的時候仍然堅持睇波。
財爺個 Post 勁過晒其他媒體、網絡紅人、或專頁的 Post，半個鐘都唔使，就吸引左成萬人 Like 左個 Post 不特止，仲有過千個 Share。而呢件事，更加成為新聞，唔少媒體都有引用財爺個 Post。放張相，打四個字就有咁大回響，冇返咁上下影響力，點得？即使我係女神都吸引唔到咁多 Like & Share 啦！
相反，聲稱去左菲律賓就睇唔到港中大戰的特首，就扮晒蟹，靜雞雞喺自己個冇 Friend 的 Facebook 度 Post 左條圖都冇張嘅 Link，引人去睇佢個 Blog。
既然上到網，又咁有心情寫 Blog，點解唔索性上 YouTube 睇埋直播呢？小妹真係睇唔透，佢個白宮發言人，仲要製造幾多公關災難俾佢？
其實，無論政府啲官點樣使用語言偽術都好，只要大家係一條心撐港隊，港隊得到更多香港人的支持，我相信佢地會愈踢愈好嘅！因為 We are Hong Kong！啪啪，啪啪，啪！香港，勁揪！下場對卡塔爾繼續撐！
