唔知各位仲記唔記得早前有一位個樣有啲似 689 的日本非常老竇，由於嫌阿仔打機太嘈，於是就拎住大鎚怒仆爆 PS4 的短片呢？雖然當時看見阿仔十分無奈，但原來他已準備好向老竇復仇，因為最近呢位阿仔又發放了最新短片，並聯同朋友成功摧毀老竇的一部綿羊仔洩憤！
雖說當時有不少人批評老竇仆爆阿仔部 PS4 條片太過假，但姑勿論是真是假，該段片目前已得到約 210 萬點擊率，起碼吸引到不少人注意。至於今次這段「阿仔復仇記」，一開始就看到阿仔攪住之前部 PS4 殘骸深深不忿，接著當他與朋友見到老竇揸住綿羊仔回家後，就決定以牙還牙來個大復仇。
當老竇將綿羊仔泊在車房之外後，只見阿仔及朋友就急急腳去到車房前，然後再拎齊「架餐」準備大肆破壞，首先兩人先用大鎚及鐵鏟盡情狂仆該部綿羊仔，然後甚至出動到電鋸試圖將之分屍。不過未知只否擔心會發生爆炸，所以最後兩人決定放棄鋸開綿羊仔，並繼續用大鎚狂仆。結果該部綿羊仔的車頭及車殼都被仆到爛晒，而且就連大鎚都被他們仆到爛咗。最後身穿熊本熊 T 恤的老竇衝出來，可惜為時已晚了。今次這對父子已經玩到拆綿羊仔咁大陣象，不知下次又會否再升級仆爆其他更貴價的物件呢？
來源：YouTube
