新一年就快到，各位 Wire 民有咩展望？籮文為咗推動自己，希望於 2016 年做得比 2015 年更好，所以就上 Google Play 揾吓有咩 App 可以激勵吓自己。好彩俾我搵到依個叫做 Fabulous 嘅 App。 想知好唔好用就要繼續閱讀以下文章。

Fabulous：Motiver Me

Fabulous 由杜克大學行為經濟學實驗室研發，以科學方法幫用家飛甩壞習慣，養成好習慣，Fabulous 每日都會推介你進行幾個簡單嘅任務，幫助你一步一步達成自己嘅健康目標或者生產力目標，直頭係一個人生導師。第一步，先要選擇自己目前最重要的目標，分別為「更有活力」、「減輕體重」、「更好的睡眠質素」和「更專注集中」。

▲第一步，先要選擇自己目前最重要的目標，分別為「更有活力」、「減輕體重」、「更好的睡眠質素」和「更專注集中」。

▲籮文就揀咗 「更專注集中」。佢問我想咩鐘數開始富有生產力嘅一日

用家每日都有早午晚三個時段的任務要完成，你可以於每個時段加入一些好習慣，排行愈高的就是 Fabulous 根據你的目標所推介的習慣，例如提醒自己多飲水，清理一下工作的地方和致電父母問好，內建仲有一啲任務，例如 健身、禪修、冥想、拉筋等都會提供互動教學。Fabulous 令你管理生活時好似打機咁好玩，要解鎖成就先可以升級。

▲你可以於每個時段加入一些好習慣，排行愈高的就是 Fabulous 根據你的目標所推介的習慣