就到元旦，唔少人親身飛去日本或者搵代購買福袋，但原來部份品牌係香港都有福袋賣架！依家就介紹下幾個人氣精品福袋俾大家啦！
1) Sanrio Characters 新春福袋
Sanrio Characters 福袋有兩款，$199.9 福袋内含總值超過 $350 的精品，而 $229.9 的福袋内含總值超過 $550 的精品，係 Sanrio Gift Gate 有售。雖然同日版有 D 唔同，而且福袋款色只得Hello Kitty，不過入面會有不同 Sanrio Characters 的文具、家品等，都算係抵買之選。
2) 一田卡通服飾福袋
Sanrio 的福袋唔知入面有 D 咩，但一田的福袋就好少少，雖然未必同圖片顯示品顏色/款式一樣，但大概知道會有咩係入面，睇啱心水，大家可以上一田的網站訂購 ，預訂福袋亦會係 1月1-3日於沙田/大埔/荃灣正式開售。
▲ $288 的 HELLO KITTY 女裝家居服福袋內含 1個Kiosk 可摺合環保袋、1件女裝晨褸、1對拖鞋 同 1條家居保暖頸巾，總值 $616。
▲ $288 的 MINIONS 女裝家居服福袋內含 1個 Tote bag、 1套女裝薄料家居服、1套女裝珊瑚絨家居服 同 1個可摺合環保袋，總值 $798。
▲ $388 的 MINIONS 女裝福袋內含 1個 Tote bag、2件圓領衛衣、1個趣緻手挽袋、1本 Note book 同 1個可摺合環保袋，總值 $942。
▲ $388 的 MINIONS 男裝福袋內含 1個 Tote bag、1件連帽拉鍊外套、1件圓領衛衣、1個 Power Bank、2本 Note book 同 1個可摺合環保袋，總值 $388。
▲ $188 的 GUDETAMA 女裝家居服福袋，只限沙田店限量發售，內含 1個 Tote bag、 1套女裝家居服 同 1條 Boxer，總值 $447。
▲ $388 的 ONE PIECE 男裝福袋內含 1個索繩尼龍袋、1件連帽衛衣/拉鏈外套、 1條頸巾、1頂泠帽、1個漁夫帽或木鐘 同 1個匙扣，總值 $388。
▲ $277 的 STAR WARS TOMICA車仔套裝內含 Darth Vader、Storm Trooper、R2-D2、C-3PO、Yoda 各一架 及 1個 Tomica筆盒，總值 #324.5。
3) KUMAMON 超值福袋
除了到門市買上網訂都係好方方， HKTV 就有由日本直送的熊本熊福袋。$ 309.60 的福袋內含8款精品，包括：散紙包、環保袋、筷子、簽名筆、塑膠杯、文件夾、微波爐手套、零食或其他神秘禮品 各一。而 $ 588.80 的福袋內含小公仔、毛巾、胸針、銀包、大浴巾、頭巾、除異味精華、零食或其他神秘禮品 各一份。因為無圖睇想知係咩就要碰碰運氣了。
4) Squly & Friends 卡通人物精品
日本的福袋大賣，連香港本地卡通人物都要湊熱鬧。係 HKTV 就有 Squly & Friends 的福袋賣，只要 $299 就可可購買總值高達$489 的精品，福袋內有機會包括 大頭軟墊 或 午餐小袋子 或 咖啡店圖案帆布手提袋、水壺、PVC 軟膠卡套 / 行李牌、毛公仔匙扣、短毛絨筆袋 / 化妝袋 同 可摺式環保購物袋。
5) 無印賀年福罐
最後介紹的是快過日本推出的無印賀年福罐！每個福罐$168 ，裡裹放了一個人手製作來自東北、四國或九州地的傳統吉祥物同刺繡圖案手巾，各有不同寓意。另外仲有無印良品優惠券同吉祥物介紹小冊子，為新一年帶來福氣。
