上星期介紹咗幾個適合一家大細的藝術活動，今次就介紹幾個啱小朋友玩之餘又有教育意義的活動俾大家，等各位家長唔洗為諗節目而煩惱啦！
油尖旺道路安全同樂日
農曆年小休後，再玩個夠！激輪滑梯、水泡相撲、氣墊球大比拼、車軚陣、紙皮層層疊等等遊戲會係麥花臣遊樂場免費開放俾 3至 12歲小朋友同家長一齊玩，等小朋友係玩之餘學習下交通安全知識。
日期：2016年2月27日 (星期六) 下午2時30分 ‑ 5時
地點：麥花臣遊樂場 》香港旺角山東街76號
「音樂森林」巡迴領展商場音樂表演
鍾意靜的小朋友可以去聽番場音樂創藝表演。小朋友除了可以欣賞音樂故事，仲有機會試奏樂器，係學習欣賞的同時了解音樂無貧富之分 同 可以為整個社會創造正面價值的道理。
日期：2016年2月28日 (星期日) 上午11時 ‑ 下午1時
地點：樂富廣場 B區露天平台 》香港樂富聯合道198號
日期：2016年2月28日 (星期日) 下午2時30分 ‑ 4時30分
地點：尚德商場 地下 》將軍澳唐明街2號
馬灣太陽館・度假營開放日 暨「愛．襯墟」手作市集
馬灣係一個假日遊玩的好地方，位於馬灣的太陽館度假營將會舉辦開放日，不但有工作坊、 參觀及導賞遊、3D天文電影觀賞，仲有「愛．襯墟」手作市集，場內有40個檔攤售賣各式產品，包括針織品、手工皂、自家設計布袋、科學工作坊等，一家大細可以輕輕鬆鬆過一日。
日期：2016年2月28日 (星期日) 中午 ‑ 下午6時
地點：馬灣太陽館 》香港馬灣體育路14號太陽館
資料來源：Timable
