依莉詩：「夾直夾彎一下就得！」－ ghd Azores 造型夾評測

又到三月，雖然天氣未有回暖的跡象，但相信女士們早已對換季心思思。 當然，換季之餘要換埋髮型啦！我依莉詩就去咗 ghd (good hair day) 的發佈會，了解一下春夏季的流行髮型 同 試用下新推出限量版 Azores 系列造型夾。

帶有珍珠光澤的春夏新色

Azores系列其實係 2016春夏的限量版，將兩個熱賣的型號換上新色，以深淺不一珍珠光澤重新示人，將陽光與海灘的氣息延續至造型夾，感受熱帶魅力。當中粉紫色  (serene pearl) 係原有型號 platinum 的延伸，而粉綠色 (atlantic jade) 同 粉藍色(marine allure) 就係原有型號 ghd V 的延伸。事實上除咗顏色，佢的功能同原有型號沒有分別。

▲ 新的 3支限量版造型夾，顏色上比起之前只有黑白兩色更有夏天的感覺。

▲ 無論係 platinum 定 ghd V，除咗顏色上唔同之外，其實外型設計同重量都差唔多，同樣以圓弧邊設計，拎上手比一般曲髮夾輕巧。

 

▲ 造型夾只有一個開關，唔洗調較溫度，而開關掣藏係手柄之間，咁就唔怕唔覺意開著都唔知。

 

一夾即彎效果自然

雖然話只係換咗新裝，不過發佈會現場 ghd 首席髮型師 Lawrence Chan 都有用新品示範不同的夏日造型，原來今個夏天以空氣感的長曲髮同中長微曲造型主打，唔會好似以前咁要好直或者好曲，自然就好。見髮型師輕輕一拉，邊 part 要直，邊 part 要捲曲都得，夾一下就做到，唔洗好似平時 D 夾咁，一條頭髮重覆夾幾次，感覺上好手好多。(當然髮型師一定比起自己夾快手啦！) 至於點解夾一下就得，髮型師就解釋，因為造型夾有六組熱力感應器，可以將陶瓷板恆溫 185度，確保夠熱去塑造不同形象。

 

▲ 造型夾的外圈弧度雖然唔算大，不過都可以捲出空氣感大波浪。

▲ 夾髮後，染咗髮的髮色依然保持光澤，唔會有毛燥脫色。

▲ 使用時，表面唔會燙手，而且夾唔太重，用得幾順手，就算後腦的頭髮都能應付自如。

▲ 兩塊黑色燙板上有 6組熱力感應器，可以恆溫 185度，確保夠熱去塑造不同形象。

 

 

 

依莉詩：「夾直夾彎一下就得！」

講咗咁耐，到我親身體驗，過程由 ghd Education Manager Mr. Robert Resnick 一邊教我一邊夾。夾唔太重，用得幾順手，就算後腦的頭髮都能應付自如，而且髮夾表面唔燙手，唔怕燙傷頭皮或面部皮膚，相對安全。而 Robert 仲教我點夾波浪，首先要夾著一束頭髮，之後兩隻手捉住造型夾前後端，上下上下咁扭，唔洗打圈，所以頭髮幾髮都唔會唔平均。而夾完的頭髮都唔算太乾，髮色都唔會太大改變，反而無咗毛燥感。對於個新 look ，我幾滿意架！

▲ 夾完的頭髮都唔算太乾，髮色都唔會太大改變，反而無咗毛燥感。

女士之夜免費造型

如果大家都想試下用呢隻夾，大家係 4月份每逢星期三到CÉ LA VI餐廳 的女士之夜，每晚首 100位女士可享免費香檳及 ghd 髮型造型示範。為配個夏日主題，CÉ LA VI更特別炮製了幾款充滿夏日風情的冰凍特飲添！我試過其中的 Hola人間天堂（Hola Paradiso）混合了.酒、薰衣草、青檸及車厘子，酸酸甜甜，散發薰衣草香氣，非常特別架 ！

 

ghd azores 系列

售價：$2080-2680

查詢：2274 5422

 

CE LA VI