新派茶樓愈開愈多，想食造型精緻的點心已經唔一定要去迪士尼酒店，今日我依莉詩就有幸被日本護膚品品牌 fracora 邀請到中環的新派點心店 Yum Cha，邊食點心，邊聽發怖會。
造型可愛，飲茶兼打卡
雖然話係品牌的發佈會，但我的眼球一路都比可愛的點心吸引住。而呢度最出名的就係招牌奶皇包—「睇住流奶」，黃甘甘的外表加上兩隻圓圓大眼超可愛，只要係嘴的位置輕輕一督，入面的流沙奶黃嘔出嚟都幾搞笑。另一個人氣點心就係「鴿吞鳳梨」，雀籠入面有三隻黃色的雀仔，造型精巧，頸、嘴、尾巴同翅膀都有，幾可亂真。單係講造型已經夠晒特別，打卡必備。
▲ 我所試的是特別為傳媒而設的點心拼盤，有齊呢間店最出名的 睇住流奶、一籠八戒、玫瑰饅頭 同 有色蝦餃。包點方面雖然我影咗一輪相，已經唔熱，不過都仲好軟熟。「一籠八戒」成個豬樣，白雪雪的面加上豬耳同豬鼻超級可愛，但原來佢係叉燒包 ，入面的叉燒香甜，，果然唔止得個樣。而玫瑰饅頭食落有淡淡的玫瑰花香，非常特別。
▲ 至於「睇住流奶」，可能我影相影得太耐，已經唔流沙了，無得睇佢個攪笑樣真可惜。
▲ 平時方形的鳳梨酥食得多，呢籠「鴿吞鳳梨」就夠晒特別，隻隻雀仔都整得咁真，要食好殘忍咁。夾起覺得好硬，以為得個樣，點知又意外地好食，唔算好甜，入口鬆化，一啖一隻啱啱好。
▲ 最近都好興棉花糖甜品，呢個椰汁紅豆棉花雲上面都有個大大藍色棉花糖，睇落超浪漫，不過浪漫嘅嘢只係一瞬間，當棉花糖融入椰汁紅豆溶的時候，就係要食落肚的時候。
▲ 兩款朱古力：開心果刻 同 脆爆甜心以乾冰做底盤，上枱時型爆滿分，不過「開心果刻」偏甜，我反而鍾意「脆爆甜心」，有爆炸糖係入面，玩味十足。
英式格調食粵菜
雖然呢間餐廳叫 Yum Cha，但裝修一 D 都唔似茶樓，反而似飲英式下午茶的地方。柔和的燈光加上格紋梳化，別具一格，比到人優閒舒服的感覺，可以坐一整個下午。
▲ 金色的網入面放著一個個火鍋爐，好特別。
依莉詩：「雀籠打卡一流！」
呢間餐廳中西合璧，英式的裝修，配合各款造型可愛的粵式點心，相當特別。至於食物方面，每款點心都有驚喜，而甜品方面就有 D 奇怪，所以都係食包包食飽比較好。最後建議大家，餐廳的價位屬中上，如果大食的都幾溶，或者同三五知己打下卡，嘆下午茶就好了。
▲ 好啦！講咗咁多，係時候講番正題，就係日本胎盤素品牌 Fracora 登陸香港，3月中全線萬寧有售啦！
Yum Cha
地址:中環干諾道中88號南豐大廈2樓1-2號
電話:3708 8081
營業時間: 周一至周日11:30am-15pm, 18pm-23pm
