係過去幾年一直都深受 Photoshop 用家討論嘅議題之一當然唔少得點樣將原來係黑白色嘅相片轉做彩色，當然依家已經有唔少熟練嘅用家可以係長時間下利用佢地嘅技術修復得到。不過係將來， Photoshop 有機會只需要按一個掣就可以將色彩還原。
係自動為黑白相色上色呢個問題，一直有唔少科學家同研究人員試圖拆解呢個難題。而就係一篇 UC Berkeley 分校嘅 PhD 學生 Richard Zhang 同佢團隊一起所寫嘅論文「Colorful Image Colorization」中，提出利用「convolutional neural network」可以點樣為相片自動上色，蒙過人類肉眼。
過去系統需要輸入大量資料，並且從過百萬張彩色照片中提煉出「自動上色」技術。然而， Richard Zhang 同佢團隊所研發嘅新系統將會全自動操作，而且創造出嚟嘅更較以往出色，更貼近當時現實顏色。
為咗測試佢地新創建嘅系統，科學家搵來一群普通人作測試，並將新系統自動著色黑白相片同原本就係彩色相片兩個版本比測試者選擇。有 20% 嘅測試者都揀左新系列自動著色相片，被誤認為係真正原本彩色相片；雖然從數字上聽起來好似唔多，但卻比起過往研究高出不少。
以下就係一啲由新系統自動著色嘅範例：
雖然結果並唔完美，但卻係為黑白相自動上色嘅一個好開始，踏出重要一步。研究人員亦著力於將顏色還原得更好。Demo code 已經係 GitHub 上可以搵到（請按此）。
或者係將來某一日，將會真正見到 Photoshop 內置著自動上色功能，將黑白相變做彩色只需要一個點擊就可以。
來源： PetaPixel
