LG G5 全新嘅模組式設計一早就吸引咗好多 wire 民嘅視線，而更重要嘅係 LG G5 有一系列 LG Friends 組件可以俾人換嚟換去，所以呢部 LG G5 絕對係玩味十足架！不如我哋一齊回顧下 LG G5 & Friends 嘅體驗派對，順便睇下 wire 民對 LG Friends 有咩睇法！
LG 產品專員 Lewis + Unwire 首席記者 Edward 對談 G5 功能：
▲ 體驗派對之前，當然要知道 LG G5 有咩特別嘅新功能啦！所以先由 LG 產品專員 Lewis (右)同 Unwire 首席記者 Edward (左)對談 LG G5 喺功能上嘅改進！
▲首先要講解嘅當然係 G5 最特別嘅賣點：抽換式電池！ Edward 亦即席示範大家最感興趣嘅換電功能！
▲ LG G5 嘅其中一個特點，就係佢有雙鏡頭設計，使用超廣角鏡頭時最高可以影到 135 度咁 wide 嘅廣角景像。而 Lewis 亦即席示範超廣角鏡嘅 Wide Shot 威力，以後一班朋友影大合照都唔怕影唔哂啦！
▲ 而 Edward 亦都分享佢試用 LG G5 相機幾日後嘅感覺。
▲ 使用一般手機鏡頭影出嚟嘅相(左)，用咗 LG G5 嘅雙鏡頭所影嘅超廣角 135 度 Wide Shot(右)，可以見到比一般手機影到更廣角嘅畫面！
▲ Edward 又分享其他相片俾讀者知道 LG G5 嘅攝影質素，在場可以看到模特兒面部的細節相當細緻呢！
即場體驗 LG G5 + Friends 任你玩！試玩部份全紀錄！
▲ LG 方面準備哂 4 種顏色，等在場人士可以慢慢比較！
▲ 好多讀者都即場用自己部手機同 LG G5 比較，睇吓 G5 係咪真係影得咁 Wide 先!
▲喺大家試玩 G5 嘅同時，Edward 同 Lewis 亦準備一邊講解一眾 LG Friends 點樣用喇！
▲ Edward 同 Lewis 亦即場示範點樣單手操控換上 LG CAM Plus 模組嘅 LG G5。LG CAM Plus 相當方便用家作單手嘅拍攝！
▲讀者們都急不及待要試下用 LG CAM Plus 模組拍攝同普通手機有咩唔同！
▲ 第二樣要介紹嘅 LG Friends 就係 LG Hi-Fi Plus with B&O PLAY 模組，只要插上就可以即時增強手機嘅播放音色！
▲ 不少讀者都對 Hi-Fi Plus 模組感到興趣，而且仲帶埋自己私伙嘅耳機實試一下 Hi-Fi Plus 嘅完美音質！
▲除咗上述兩樣之外，當然唔少得 LG 360 CAM！Edward 就即刻試下喇！
▲ 而 Lewis 更加即場邀請咗讀者黃先生用 LG 360 CAM 全景相機影一張全體大合照添！就連天花板有幾多插蘇都可以清楚數到！
▲ 玩 LG 360 CAM 拍完 Video，當然點可以無個 VR 眼鏡睇返啲 360 影片架！Edward 亦都即場分享 LG 360 VR 虛擬實境器嘅用後感，因為佢嘅重量只得 113g，Edward 話就算戴得耐都唔會好攰，而且仲可以拆開遮光罩方便佩戴眼鏡嘅人士，實在係照顧到用家需要。
▲不少讀者都非常專心咁試玩 LG 360 VR 眼鏡，而在場的 LG 同事亦好有耐性解答佢哋嘅一眾問題。
▲ 當日現場有獎問答環節，大家都非常踴躍，最後由中間呢三位讀者獲得我哋嘅小禮物！再次恭喜呢三位嘅讀者！
Wire 民現場回應 – 邊樣 LG Friends 最吸引？
Marco：人聲足，更勝家中喇叭！
▲ 本身用緊 LG G4 嘅 Marco 表示，試用咗 LG Hi-Fi Plus with B&O PLAY 模組，發覺人聲非常充沛，對比起現時嘅手機嚟講非常唔錯。佢話，佢自己屋企嘅喇叭都係 B&O 嘅，感覺上用咗 G5 嘅模組比起家中嘅喇叭更有表現，會考慮先單買 Hi-Fi Plus 模組！
宋先生：VR 好輕身，相機模組好方便！
▲ 另一位 Wire 民宋先生則表示，LG 嘅 VR 眼鏡好輕身又易用，相機模組都好方便咁操控到，Hi-Fi Plus 模組令音色更好，唔使用上好貴嘅耳機都可以聽得出分別。
黃先生：LG 360 CAM 自動合相好方便
▲ 而呢位 wire 民佢最鍾意就係 LG 360 CAM 喇！因為能夠做到自動合相喎！佢話市面上都有其他 360 Cam 但係可能接合得唔好，因此質素上 LG 360 CAM 就勝好多籌喇，令到佢都有啲心動即刻買添！
今次 LG G5 & Friends 活動圓滿結束，未能參加的朋友記得留意 unwire 網站活動啦!
