之前大家仲用緊 Windows 7 或 Windows 8.1，都會千方百計希望將工作列彈出升級至 Windows 10 嘅廣告關閉。好喇，當大家自願又好，被迫又好咁升到上 Windows 10，但就發現喺工具列右下角，時不時都會有唔同軟件彈出嚟嘅廣告，真喺令人好鬼煩！
▲部分 Windows 10 的電腦可能會出現鎖定畫面是否加入小提示等選項，只要喺「設定」中進入「個人化」，選擇「鎖定畫面」，如果見到有「加入提示」之類的選項，就可以選擇關閉。
▲開始功能表會有不同的動態磚，但有部分其實不必要嘅建議應用程式，大家可以選擇在「個人化」最底的「開始」，關閉「偶爾在[開始]顯示建議」。
▲平日在畫面右下角的工具列，不時會彈出對大家無用嘅提示，可以打開「設定」中「系統」一欄，選擇「通知與動作」，獨立關閉不需要顯示通知的程式。
▲另外，若不想被程式追蹤到你的動向，可以在「設定」中選擇「隱私權」，在「一般」選項停止讓程式取得廣告識別碼。
