魔法 變！變！變！百變小櫻絕對係 80、90後的童年回憶。20年後小櫻終於番嚟大家身邊啦！正係日本唔同地區巡迴緊的百變小櫻主題 Cafe 今日亦登陸香港，我依莉詩當然即刻去潮聖啦！
超萌女僕小櫻歡迎你
係香港的小櫻 Cafe 佈置上同日本巡迴緊的差不多，小櫻同小狼等一班角色變身女僕同待應散落餐廳不同角落。牆上的小櫻 poster 貼滿整間 cafe ，而每張枱都有古羅卡餐紙，見到之後童年回憶番晒嚟。影相位都有兩個，店後有多個角色紙板俾你同佢地合照，商品區旁更有古羅卡盒俾你入去影，化身成其中一張古羅卡。
▲ 牆上的小櫻 poster 貼滿整間 cafe
▲ 商品區旁更有古羅卡盒俾你入去影，化身成其中一張古羅卡。
▲ 商品區旁仲有 D 迷你角色紙牌俾你揸住影相，超級得意。
同日本一樣的美食
食物方面同日本巡迴緊的小櫻 Cafe 一樣，有 9款食物同甜品、仲有 8款飲品。特別的是，食物除咗印有角色樣或圖案的元素，部份好似小櫻運動會食的便當同雪兔最愛的包就係 fans 先會明的菜式。
▲ MENU 幾乎沿用日本的設計，只是係日文名的菜式下加了食材翻譯。
▲ 月兔最愛的包同小櫻運動會食的便當睇落好普通，但 fans 一定會明。
▲ 基路仔與雪比的 Egg Benedict 脹卜卜超可愛。
▲ 小狼的翡翠冷麵同滿有魔力的印度肉碎咖哩飯味道都好清新，夏天食好開胃。
▲ 甜品方面，知世的優雅下午茶套餐簡簡單單，但好有知世的優雅感覺。
▲ 飲品方面以凍飲為主，色彩繽紛。
▲ 基路仔芒果沙冰底層酸酸甜甜，頂層有濃厚的忌廉，層次十足。
▲ 芭菲上面的曲奇所有古羅卡背面圖案，超級可愛。
必搶限量精品
食飽飽，現場亦有百變小櫻的限量精品發售，種類雖然唔多，不過貼紙、襟章、文件夾及畫集都有， fans 們一定要搶。
▲ 杯同碟數量唔多，非常珍貴。
▲ 橡膠套裝匙扣 $109。
▲ 襟章 $29 個，但要隨機抽，要儲齊一套都唔容易。
▲ 叫嘢飲嘢食都會送杯墊，總供有 20款咁多，每月推出指定10款，即時說想收集全套的話最少都要去兩次啊！
依莉詩：「童年回憶番晒嚟！」
以前鍾意小櫻係因為佢成日有靚衫換，又識魔法覺得好利害。今次嚟到小櫻 cafe 咩回憶都番晒嚟！除咗有裝飾、有影相位同有精品賣呢 D 基本嘢，今次最特別係 Menu 中唔少食物都係 Die hard fans 先會明嘅，唔係普通貼個公仔上去就算的主題食物，好有心啊！
▲ 聽聞依家預約已經 book 晒，想食就只可能 walk-in 啦！不過我今日11點幾已經見到好多人係樓下排隊了。果然百變小櫻魔法神奇誰可阻擋！
百變小櫻主題 Café
日期： 2016年6月1日 至 7月31日
地點： 荃灣眾安街2-8號沙嗲王3樓
查詢：2212-3456（不設電話訂座）
