市場上智能手錶愈出愈多，其實要選擇一款適合自己使用的絕對不是易事，不過市場上不少智能手錶都要與手機一同使用，而對於運動愛好者來講，做運動時通常會穿著短褲，要用智能手錶量度心跳或者進行運動記錄，要同時戴著手錶兼且手機跟身，就被迫要放在淺淺的褲袋或者用臂帶，十分麻煩。今日 Samsung 就正式發佈第二代 Gear Fit 智能手錶，不但設計有改動，而且可以正式飛甩手錶直接用，以後大家做運動時直接將手機放在 locker 或者家中就可以了。
換較軟手帶手感更舒服
Samsung 今次推出的 Gear Fit2 可說是為運動愛好者度身訂造的智能手錶，首先設計上仍然沿用塑膠錶帶，畢竟做運動時汗流浹背，手臂多汗都好正常，用塑膠錶帶方便清潔（Gear Fit2 本身亦支援 IP68 防水功能，可以直接用清水清潔錶身）亦較耐用，這是可以理解的。而重點是今次的塑膠錶帶用上之前推出的 Gear S2 的膠錶帶，質地比較柔軟之餘，戴在手上亦不覺得「啜」手臂，十分適合筆者呢種大汗之人使用。另外，膠錶帶上亦有暗紋，而且錶扣一啪即扣好，亦扣得很實，唔會揮動兩下手臂就甩，值得一讚。
▲今次 Samsung 在 Gear Fit2 上用上了比較軟身的塑膠錶帶，手感一流。
▲錶帶上印有菱形暗花，都算幾靚。
▲錶扣同上代一樣都係一啪就扣到，單手戴錶完全無問題，而且扣得都幾實，fing 兩 fing 隻手都唔會甩。
▲戴上手都幾舒服，好似筆者咁大汗的人都唔覺「啜」手。
內置 GPS 飛走手機照用到
Gear Fit2 的另一特別，就是終於可以不用配對手機，亦可以當一隻運動手錶使用。它內建了 GPS 功能，亦有部分重要感應器，包括：加速器、氣壓計、陀螺儀及心跳偵測器，令大家可以不用手機跟身，直接在 Gear Fit2 上量度心跳、計算跑步速度、計算高度、甚至記錄運動路徑，超級方便。而當回家後，只要手機與 Gear Fit2 重新連接，就可以將相關數據同步到手機儲存作運動紀錄，超級方便。
▲今次的 Gear Fit2，內建了 GPS 晶片，唔洗駁住手機都可以記錄路徑。上面大家可以看到這隻 Gear Fit2 是沒有接駁著手機的（顯示寫著 Disconnected）。
▲而在跑步紀錄中，不但顯示到跑了多長時間、跑了多遠，就連地圖都有！但如果要睇清楚路徑詳情就要同步番手機上面先見到，在手錶上面係唔可以直接睇的。
▲主介面不但會顯示時間等資訊，還會顯示現時高度、行了多少步及燃燒了多少卡路里。
▲另外每個選項，按一下進入可以瀏覽更多詳細資訊。
▲另外亦可以自設一些運動計劃，方便隨時開始運動。
▲與上代一樣也有心跳偵測器，而偵測器同樣在錶底位置。
▲去到目錄最尾位置，有個「Add」選項，可以加入其他記錄功能，包括：記錄飲了多少杯咖啡或水，生活上十分實用。
▲另外作為智能手錶，自然可以在錶上瀏覽各項提示、短訊、通話紀錄等啦，只要在主介面向右一掃就可以看到了。
內建音樂播放器可直接播歌
此外，Gear Fit2 亦內建了 4GB 儲存空間，只要將音樂檔傳輸到手錶內，之後將它與無線耳機連接，就可以直接邊運動邊聽歌，同樣唔洗手機跟身。
▲Gear Fit2 內置了 4GB 儲存空間，可以放入少量音樂，方便唔洗帶手機都可以邊運動邊聽歌。
▲內置音樂播放器，可以直接播歌，而且大家經常會接觸到的音樂檔格式，包括：MP3、WMA、AAC 等都播得到。
內建多項功能可挑朋友「機」！
今次 Gear Fit2 的介面亦進行了大幅度改良，不但更為有型，而且內建多項運動記錄功能，包括：跑步、走路、行樓梯、踏單車等，甚至可以記錄飲了多少水及咖啡。而最特別的相信就是「Together」功能，可以與同樣使用 Gear Fit2 的朋友玩「運動挑機」，以成績激勵對方更加努力，做到「有挑戰才有進步」的效果。
▲內建 Together 功能，可以與朋友玩「運動挑機」。
▲另外大家都可以直接在手錶上換錶面，唔洗在手機上面做。
▲亦可以自選雙按旁邊按鍵的功能，例如：可雙按按鍵開始前一次進行過的運動。
▲除了黑色基本款外，今次 Samsung 亦有推出藍色及粉紅色的 Gear Fit2，而粉紅色 Edward 覺得女士用特別靚，平時用來襯衫都唔難。
總結：感覺不錯！最正可以唔帶手機
總括而言，Edward 覺得 Samsung 今次推出的 Gear Fit2，各項功能都十分全面，尤其是終於加入獨立 GPS 晶片，可以唔帶手機去跑步，都一樣記錄得到跑步路徑，對於運動愛好者來說，絕對是十分好的強化。至於定價方面，Samsung 將 Gear Fit2 訂在 $1,798，比第一代 Gear Fit 初推出時的 $1,698 定價，只是貴了 $100，Edward 覺得尚算合理，但如果講型，男士們不妨考慮藍色，而女士們亦可考慮粉紅色，畢竟這兩款錶帶顏色比較特別，就算唔係「運動友」，帶出街當一般手錶用來襯衫，都 OK 呀！
售價：$1,798（6 月 17 日正式開售）
查詢：Samsung（3698 4698）
