唔知大家使用 Emoji 嘅習慣係點架呢？可能港女份人比較浮誇啦，港女同朋友傾計嘅時候，經常濫用 ?、?、? 等 Emoji。一係唔打，一打就打一抽，用黎表示我嘅激烈反應，哈哈！但港女有啲朋友打字係完全唔用 Emoji 架，有時我打左一抽 ? 過去，佢覆返我「哈哈」兩個字或者就咁講「好好笑」就算，佢地話已經足夠表達到情感喇喎。Anyway，唔係個個都好似港女咁浮誇架嘛，我都 OK 嘅。
講開又講，港女琴日睇左一篇講職場上使用 Emoji 的文章，入面就話有教授指，喺工作場合用 Emoji 可能會令人感覺唔專業同埋態度輕浮；而有作家就認為唔同人對 Emoji 的理解及感受不同，要小心使用。
港女對於教授同作家的講法都係表示認同的，所以港女寫 Email 或者同工作伙伴 Whatsapp 的時候係會自動轉做認真 Mode，變得冇咁浮誇，亦會減少使用 Emoji，避免有不必要的誤會－－但通常講 Thank you 嘅時候都會唔覺意加個 :)，等人地覺得真心啲，唔只係一個反射動作。
Emoji 本身創作出黎有佢自己嘅意思，但因為文化、用法、語境等原因，喺唔同場合會出現唔同意思。簡單如一隻手指公 ?，一般我地會以為係讚好、Good，有時有啲人亦鍾意用佢黎表示 OK，但同時 ? 亦可以指截順風車。喺一啲中東國家、希臘及意大利等，? 就同我地舉中指意思一樣添。
所以如果係你喺一間國際大企業度工作，就最好少用 Emoji 交流喇，因為每個人睇 Message 都會先入為主咁以「我考慮 注意 留意 認為 信納」主觀感覺行先，冇法理根據架嘛，得失左人就唔好啦。
