近期智能腕錶已經唔再只係科技品牌的專利，唔少時尚品牌都加入生產 Android Wear 的行列，繼 Fossil 發表了旗下最新款的智能手錶之後，今次輪到美國時裝品牌 Michael Kors 的 Access 系列正式上市。我依莉詩今日就去咗 Michael Kors 太古廣場專櫃一睹呢兩款錶的真身啦！
錶殼夠份量
今次 Michael Kors 一次過推出兩個系列的智能腕錶，秉承了同品牌的其他錶款設計，男裝錶 Dylan 採用硬朗運動風格，而 女裝錶 Bradshaw 則採用金屬時尚風格。無論係男裝定女裝，錶盤直徑分別係 46mm 及 44.5mm，兩者錶殼都比 Fossil 的 Q Wander 或者 Q Marshal 大，戴上手基本上已經覆蓋大部份前臂，而且感覺有點笨重。不過，大錶盤的誇張設計同時亦是 Michael Kors 的特色，可以更突出品牌獨有設計的 Watch Face 。只要每日轉換特色錶面，以及多種不同的皮質、矽膠、蜥蝪皮或蛇皮壓紋錶帶，就可以隨時改變形象，令錶煥然一新。
▲ 大錶盤的誇張設計係今次的特色，更突出可以日夜自動切換的錶面。(雖然點換都係有下巴)
▲ 女裝錶 Bradshaw 3款都以金屬錶身為主調，是土豪還是型格就見仁見智了。
▲ Hone 掣印有 「MK」未樣，亦是碗錶矜貴之處。
▲ 無論男女裝錶都可以更換皮質、矽膠、蜥蝪皮或蛇皮壓紋的錶帶，只要係錶帶左右一按就換到，非常容易。
▲ 矽膠錶帶都幾柔軟，戴上手都幾舒服。
▲ 雖然 Bradshaw 是女裝錶，不過戴上手已經覆蓋大部份前臂，而且感覺有點笨重。
▲ 男裝錶 Dylan 因為係矽膠帶，反而更貼手形。
有咪有喇叭即時通話
既然係時裝品牌設計，功能或規格都並非主打，所以硬體規格則同不少 Android Wear 一樣，採用 Qualcomm Snapdragon 2100 處理器、4GB ROM、使用 1.4 吋的 320×290 解像度觸控屏幕。同樣提供 Google Fit 的運動追蹤功能、應用程式通知及社交媒體更新，不過最可惜係它沒有脈膊感應器。
▲ 腕錶內置咪同喇叭，只要講出指令就可以係互聯網搜尋資料同打電話，免去係細螢幕輸入文字的煩惱。
▲ 直接用手錶講電話，唔駛下下拎手機出嚟或者用藍芽耳機，方便了不少。
手帶走時尚路線
除咗腕錶，Michael Kors 同時推出了運動追蹤器 Tracker。外型好似普通手環一樣，相當輕巧，更有有藍色、黑色、粉紅色配玫瑰金、黑色配玫瑰金選擇，每款都容易襯衫。除咗一般計步數、距離等功能， touch 兩下更可充當遙控自拍、切換投影片或播放音樂，係演說時的秘密武器。
▲ 手環用兩粒珠作固定，適合不同大小的手形，不過感覺上好似好易甩呢！
▲ 追蹤器係中間的圖形，上面印有「Michael Kors」，戴上手同普通手環差不多。
依莉詩：「錶殼夠份量！」
Android Wear 的新面貌愈來愈多，功能上大家都沒有太大分別，反而變得更重視設計。坦白講，今次的 Michael Kors Access 系列並非我的心水，總覺得錶殼比較大同笨重，相反 Tracker 的外型簡約斯文，而且輕身，我就幾鍾意啦！
售價：
Dylan Access Watch Collection $3550
Bradshaw Access Watch Collection $3550
Tracker $950
查詢：HARVEY NICHOLS (28869900)
