大家成日話要搵一個肯同你捱麥記嘅女人，其實一啲都唔難，只要你肯俾多過廿蚊 (應該係 $23)麥記其實有好多選擇。嚟緊 9月29號麥當勞將會推出全新嘅安格斯漢堡系列，用料十足，我依莉詩今日就率先試咗啦！
100%安格斯牛肉 份量十足
漢堡包從來分好多過價位，由 $8 至幾百蚊都有，又有無諗過喺麥當勞都可以食到用 100%安格斯牛肉整嘅漢堡呢？今次推出的「美式蘋果安格斯漢堡」同「瑞士芝味安格斯漢堡」就由有「廚壇魔術師」之稱的Christian Yang (楊尚友) 創作。雖然未知售價，不過都應該平過喺高級餐廳食嘅。
▲ 美式蘋果安格斯漢堡
見到個漢堡有半部 iPhone 咁厚唔好以為會好滯。呢個美式蘋果安格斯漢堡除了使用肉味香濃嘅 100%安格斯牛肉製成漢堡扒，仲使用了蕃茄片、生菜片及蘋果中和油膩感，再加上白芝士、蘋果木燻脆煙肉及美式BBQ醬，令層次更加豐富。就算好似我呢啲細食的女仔都可以食晒成個呢！
▲ 瑞士芝味安格斯漢堡
美式蘋果安格斯漢堡比較清新，而瑞士芝味安格斯漢堡就口味濃郁，更加適合食用獸。同樣使用 100%安格斯牛肉製成漢堡扒，但配搭的香烤蘑菇片、炒洋蔥、白芝士片和車打芝士惹味香濃，再抹上幼滑的香蒜蛋黃醬，淡淡飽滿感。
▲ 除了兩個漢堡，粟米批又再次返嚟！咬開金黃酥脆的外層後，熱辣辣的粟米源源湧出，令秋冬更加溫暖！
▲ Christian：「創作漢堡時，我諗起以前喺美國野外 BBQ，風味十足！」
依莉詩：「好夠份量！」
試過呢兩個漢堡之後我領悟到一件事，要搵一個肯同你捱麥記嘅女人其實唔難。美式蘋果安格斯漢堡口感清新之餘，肉味濃郁，比起「足三両」少了一件飽滯感，但又好夠份量。不過當然，售價都同平時嘅餐有啲唔同啦！計我話要搵一個肯同你日日捱廿蚊餐嘅女人先最難呢！
售價：待定
供應期：由2016年9月29日起 (早上十一時後供應)
查詢：麥當勞有限公司企業傳訊部 (2880 7300)
