美少女戰士絕對係 80、90後嘅童件回憶，一句「愛與正義，穿著水手服嘅美少女戰士， Sailor Moon，我要替月行道，儆惡懲奸！」變身畫面立即重現眼前。最近發行商就推出咗一個非常精緻嘅「月光水晶變身盒」充電器連鏡盒，就連潮人 Wyman 都係 instagram 曬命呢！相信好快就會成為潮人必搶嘅神物啊！
精緻重手一按發光
變身盒精品自動漫播出之後出過好多，點解呢個咁受歡迎呢？大慨因為呢個「月光水晶變身盒」造工精緻，光面粉紅配合金色立體星形同亮，按下盒中嘅「幻之銀水晶」，盒嘅 4粒寶石更會顯示電量。除了外型，變身盒亦是充電器，3500mAh 嘅電池容量可以充 1-2次手機，十分實用。同時變身器亦係鏡盒，一物多用，女士們隨身帶備都唔會太幼稚呢！
▲ 變身盒嘅包裝都好靚，桃紅色絨面印上金色 Sailor Moon 剪影，十分高貴。
▲ 變身盒上嘅 4粒寶石會顯示電量，當 4粒都唔著燈就唔夠 power 變身囉！
▲ 打開變身盒係一個鏡盒。
▲ 盒中仲有粒大大嘅「幻之銀水晶」。
▲ 則邊有 USB 插孔可以充電。
▲ 唔止女仔，就連 Wyman 都係 instagram 大曬變身器！
▲ 呢個變身盒都幾重手，一啲都唔似玩具呢！如果會發聲就更好啦！
▲ 連水哥都重拾童真，想變身成「美少女」呢！
售價︰$499
查詢： Winner Concept International Ltd. (2407 1118)
