雖然《你的名字》11月 11日先至喺香港上映，但日本已經一早掀起熱潮。除了催淚嘅劇情令人一睇再睇外，動畫中嘅場景大多參照東京都澀谷、新宿、千代田區等和岐阜県飛驒等實景繪畫，有日本網民仲設計了朝聖地圖，大家又對比下實景同動畫似唔似啦！
1) 歌舞伎町路口
動畫海報嘅背景係歌舞伎町路口，雖然海報中男女主角身處平地，但現實要影到同樣嘅背景就需要企係安全島，所以大家打卡嘅時候要小心啊！
2) 新宿大後衛東風路口
男主角係東京生活，所以動畫中有不少城市建築。新宿大後衛東風路口嘅大廈同廣告牌等都畫得好逼真呢！
3) JR信濃町站天橋
日本少女動漫中最令人著迷嘅唔少得男女主角係天橋上相遇。男主角係信濃町站嘅行人天橋上望住慧星墜落嘅一刻可以話係全劇嘅轉捩點。
4)首都高速公路 3號澀谷線附近
電影嘅背景畫得非常細緻，連行人天橋後嘅建築物都幾乎一模一樣。
5) SHIBUYA TSUTAYA
大城市嘅商場、店舖好似個個地方一樣，但原來電影入男主角同女神係澀谷行街嘅地方都真有其店。唔知大家可唔可以搵到呢！
6) 新宿警察署附近
紅綠燈上嘅指示牌一睇就知係新宿警察署附近。呢個地方好多日本電視劇都出現過呢！
7) 千葉縣蜷川家具店
相比起東京嘅繁萍，電影中女主角三葉住嘅地方就比較純樸。千葉縣的蜷川家具店係電影就改名叫做中川精肉店。
8) 須賀神社
結尾男主角同女主角再次重遇嘅地方係由四谷站步行到須賀神社必須經過嘅樓梯。企係呢條長長嘅樓梯相信可以再一次諗番起電影帶來嘅感動。
▲ 去開東京旅行的話，不妨跟住地圖去朝聖啊！
資料來源：blog.livedoor.jp
