每逢年尾咁多 Party，姊妹們當然要盛裝出席。除咗要配搭出潮流型格嘅服飾外，一個能夠突出自己、襯托整體妝扮嘅髮型絶對不能忽視。呢個 Styling Queen 魔髮箱就可以幫你 set 個靚頭，我依莉詩今日就試咗啦！
▲ 呢個 Styling Queen 魔髮箱有齊 BaByliss Big Hair 電動旋轉捲髮風筒同 VS Magic Shine 閃漾鏡面塗層兩用造型器，能輕易打造出千變萬化的造型。
吹髮同時造型
BaByliss Big Hair 電動旋轉捲髮風筒集風筒同捲髮器於一身，吹頭同時造型，慳唔少時間。雖然 700w熱風能提供溫和嘅熱力，比起一般風筒吹得比較耐，不過無咁易傷害髮質。 2段熱力同 1段冷風選擇可以因應所需固定頭髮造型。與造型夾唔同的是，風筒開機就可使用，放咗工即刻轉造型都無問題，節省唔少時間。
▲ 雖然 700w熱風能提供溫和嘅熱力，比起一般風筒吹得比較耐，不過無咁易傷害髮質。
▲ 2段熱力同 1段冷風選擇可以因應所需固定頭髮造型。
輕鬆造出髮尾內捲
BaByliss 嘅陶瓷梳頭直徑有 50mm，係吹頭時風梳可以隨意向左或右旋轉，配合以天然鬃毛配尼龍製成的刷毛，就可以輕鬆吹出髮尾內捲嘅效果，打造豐盈立體感。另外，吹出熱風嘅同時會辭出高效離子，形成保護膜並鎖住水分，所以造型後髮絲都可以保持柔滑，而且沒有毛躁感。
▲ 直徑 50mm 嘅陶瓷梳頭可以打造大波浪嘅立體感效果。
▲ 握住手柄同時可以用手指公控制風梳左右旋轉，手殘都唔怕捲錯方向。
▲ 雖然 BaByliss 有成 510g 重，而且手柄都幾粗，不過 2.5m 特長電線可以 360度轉動，提高使用時嘅靈活性。
▲ 吹乾頭髮同時梳頭同造型，慳番唔少時間。
一物二用夾直夾彎
套裝內另一支係 VS Magic Shine 閃漾鏡面塗層兩用造型器，一物有齊直髮夾同捲髮器功能，打開可以夾直髮，摺埋又可以捲頭髮，複雜嘅造型都可以一物搞掂。鏡面設計配合鈦電鍍塗層，令造型器表面更順滑，減低髮絲被拉扯受損嘅機會，而且熱力分佈更均勻。
▲ 32mm 嘅造型器受熱面積比較大，每下夾嘅髮量比較多，分 20次左右就可以夾晒個頭，快捷好多。
▲ 打開造型器可以夾直髮，摺埋又可以捲頭髮，一物兩用，複雜嘅造型都可以一物搞掂。
釋出蒸氣減少毛燥
造型器提供 5級溫度設定，最高能加熱至攝氏200度，有足夠熱力塑造一致嘅髮型效果。不過因為造型器表面沒有保護層，而且造型器都幾大支，靈活度唔高，使用時要避免掂到頭皮同面，避免燙傷。比起一般造型器，呢支發熱同時會釋出柔和蒸氣，配合造型可選擇輸出 2段蒸氣量，減少毛燥之餘，就算乾夾都無咁傷頭髮。
▲ 5級溫度設定適合唔同髮質。
▲ 造型器發熱同時會釋出柔和蒸氣，減少毛燥之餘，就算乾夾都無咁傷頭髮。
依莉詩：「輕輕鬆鬆 set 聖誕派對造型！」
今次呢兩支造型器都係比較大型嘅一種，亦有一定重量，用得耐隻手都會攰，相對受熱範圍較大，每次嘅髮型都較多，大約分 20-30 次就可以完全整個髮型，而且比較一致。BaByliss 吹髮同時造型，按掣就可以向左向右捲，非常方便。而 VS 造型器無論夾直定夾彎都做到，不過鈦金屬塗層都幾熱，整嘅時候要小心掂到塊面呀！
相關影片:
Styling Queen魔髮箱
售價：$899
查詢：CONAIR 美康雅 (2751 4604)
