大芒手機一直有很大市場，當然熒幕越大睇片打機時就更加「爽」，而手機廠雖然都有不少大芒型號，但大部份售價都較高，如果想趁新年送手機給長輩用的話，效能較高的型號又未必太過實際。Lenovo 推出的 A7700 或者是個不錯的選擇，配備 5.5” 熒幕而保留輕巧的機身，就可以減少長時間單手用機而出現的疲勞，最重要是這部手機只要 $1,300 就有交易，就算當後備機都相當抵玩。
C 字角上手夠舒服
好多時大芒手機的手感都未必太好，因為機身始終較大，如果四邊和四角的設計不夠圓滑，就會有「頂手」的感覺。Lenovo A7700 就採用 C 角設計，加上機身底部都採相當圓滑，就算單手使用都十分舒服。不少中高階機都會採用金屬作為機身物料，確實可以帶來較好的質感，但相對上機身就明顯較重，尤其是大芒機就更為明顯，A7700 就作出取捨改用膠殼，令到機身保持輕巧，但缺點就是較易有「吸油」而有指紋，各位 wire 民可能要經常清潔。
▲C 字角令到成部機都變得更圓滑，完全沒有「頂手」的問題。
▲機身底部保留了三個控制鍵，方便單手使用時進行操控。
雙 SIM 卡出差去旅行最方便
各位 wire 民都或者都會經常四處旅行或出差，在今時今日的時代，上網已經與生活不能分開，而不少人都會選擇購買當地的 SIM 卡，方便可以隨時與家人或與同事保持聯絡，但落機和回港就要換卡十分不便，同時又要「飛線」。A7700 就擁有雙卡雙待功能，各位 wire 民只需要將需要上網的 SIM 卡插在 SIM 1 插槽就可以支援 4G 上網，而香港的 SIM 卡就可換至 SIM 2 插槽，保留漫遊接聽電話的功能，但各位 wire 民就要注意此機是使用 microSIM 標準而並非現時主流的 nanoSIM。
▲支援雙卡雙待但要注意只有 SIM1 可以支援 4G，亦都可以透過 microSD 卡進行儲存容量擴充。
▲背面鏡頭為 800 萬像素，原生影相 App 都有美肌、手勢拍攝等調校功能。
睇片好流暢打機就差少少
一部只賣 $1,299 的手機，大家當然不能對硬件配置有太高的要求，A7700 仍然有四核心處理器，RAM 方面就是入門級 2GB，對於一般應用當然無問題。選擇大芒手機或者都會用來「煲劇」或打機，這方面 A7700 的表現又如何呢？經過實際測試，串流 1080P 影片都十分流暢，沒有「跳格」的問題，畫質就受制於 720P 熒幕而未算太過突出。至於遊戲表現方面，小編就覺得流暢度略為不足，但未至於會影響玩，但體驗上就始終不及中高階以上的機種。電池方面，跟機有一粒 2,900mAh 的電池，打機約 10 分鐘電量下降 5% 左右，雖則未算很「長氣」，但勝在可換電池設計亦算方便。
▲採用 Android 6.0 系統；當開機後仍然有約 800MB RAM 可供使用；基本可用儲存空間約有 8GB 左右；原生的下拉式 Menu 有齊所有常功能的快捷鍵。
▲電池容量為 2,900mAh，但優點在於用家可以額外選配電池就無需攜帶笨重的流動充電器。
辛尼評論：5.5” 大芒睇片好爽 打機就差少少
今次 Lenovo 這部 A7700 都是針對想玩大芒而預算又不太多的用家，以睇片角度來說確實是相當抵玩，但如果大家的主要用途是打機的話，就可能會覺得有點不夠流暢。另外，它支援雙卡雙待再加上可換電的設計，出差或旅行都十分方便。
建議售價：$1,299
查詢：D1（8118 1888）
